គិតត្រឹមពេលនេះកីឡាករ Lionel Messi របស់សមាជិកជម្រើសជាតិបាល់ទាត់អាហ្សង់ទីន បានបំបែកកំណត់ត្រារបស់អតីតវីរៈបុរសប្រេស៊ីល Pelé ក្នុងផ្នែកជាកីឡាករដែលទាត់បញ្ជូលទីឱ្យក្រុមជម្រើសជាតិរៀងៗខ្លួនប្រចាំទ្វីបអាមេរិកខាងត្បូង (CONMEBOL)។
Pelé ជាកីឡាករ១រូបរកគ្រាប់បាល់បានច្រើនជាងគេប្រចាំ CONMEBOL ដោយមាន៧៧គ្រាប់ម្នាក់ឯង គិតចាប់តាំងពីចូលនិវត្តន៍ក្នុងក្រុមជម្រើសជាតិពីឆ្នាំ១៩៧១។ ប៉ុន្តែនៅព្រឹកមិញនេះ Messi បានដណ្តើមតំណែងពី Pelé ទៅហើយក្រោយរកបានគ្រាប់បាល់សរុប៧៩គ្រាប់។
កំណត់ត្រាថ្មីនេះគឺកើតឡើងក្រោយក្រុមជម្រើសជាតិអាហ្សង់ទីន បានយកឈ្នះលើក្រុមបូលីវី ក្នុងលទ្ធផល៣ទល់០ ប្រចាំវគ្គជម្រុះតាមពូលនៃពានរង្វាន់ជើងឯកពិភពលោក ក្នុងទ្វីប ខណៈ Messi រកបាន៣គ្រាប់ម្នាក់ឯង។
សរុបកីឡាករ១១នាក់នៅទ្វីបអាមេរិកខាងត្បូង រកបានគ្រាប់បាល់បានច្រើនឱ្យក្រុមជម្រើសជាតិរៀងៗខ្លួនមាន៖
១) Lionel Messi (អាហ្សង់ទីន) រកបាន៧៩គ្រាប់
២) Pelé (ប្រេស៊ីល) រកបាន៧៧គ្រាប់
៣) Neymar (ប្រេស៊ីល) រកបាន ៦៨គ្រាប់
៤) Luis Suárez (អ៊ុយរុយហ្គាយ) រកបាន ៦៤គ្រាប់
៥) Ronnaldo (ប្រេស៊ីល) រកបាន៦២គ្រាប់
៦) Romário (ប្រេស៊ីល) រកបាន៥៥គ្រាប់
៧) Gabriel Batistuta (អាហ្សង់ទីន) រកបាន៥៤គ្រាប់
៨) Edinson Cavani (អ៊ុយរុយហ្គាយ) រកបាន៥៣គ្រាប់
៩) Zico (ប្រេស៊ីល) រកបាន៤៨គ្រាប់
១០) Alexis Sánchez (ឈីលី) រកបាន៤៦គ្រាប់
១១) Sergio Agüero (អាហ្សង់ទីន) រកបាន៤២គ្រាប់
