តារាចម្រៀង សុវត្ថិឌី ធារិកា បានបង្ហោះរូបជាច្រើនសន្លឹកនៅខាងមុខប្រាសាទបន្ទាយស្រី ដែលមើលទៅពិតជាសប្បាយរីករាយណាស់ ប៉ុន្តែទន្ទឹមនឹងបង្ហាញពីភាពសប្បាយរីករាយរបស់ខ្លួននៅទឹកដីដ៏ពិសិដ្ឋហើយនោះ ស្រីស្រស់រូបនេះក៏មិនភ្លេចចែករំលែកនូវចំណេះដឹង ពាក់ព័ន្ធនឹងប្រវត្តិរបស់ប្រាសាទបុរាណរបស់ខ្មែរនេះនោះទេ។
ការផុសរបស់តារាចម្រៀងវ័យក្មេងរូបនេះអាចនិយាយបានថាផ្ដល់ទាំងនូវភាពរីករាយត្រជាក់ភ្នែកសម្រាប់អ្នកដែលមិនបានទៅកម្សាន្តនៅទីណាឱ្យរសាយកង្វល់និងភាពតានតឹង ថែមទាំងផ្ដល់នូវចំណេះដឹងទូទៅពាក់ព័ន្ធនឹងប្រវត្តិសាស្ត្រជាតិ ដែលកញ្ញាបានស្រាវជ្រាវនិងចែករំលែកបន្តពីផេកដើមដែលមានឈ្មោះថា «ភ្នាក់ងារប្រាសាទបន្ទាយស្រី»។
នៅថ្ងៃសំរាកចុងសប្ដាហ៍បែបនេះការចេញទៅដើរលេងកម្សាន្តនៅរមណីដ្ឋានធម្មជាតិ ឬបែបប្រវត្តិសាស្ត្រ ដើម្បីបន្ធូរបន្ថយអារម្មណ៍តានតឹង ក៏ដូចជាការទៅស្រូបយកខ្យល់បរិសុទ្ធដើម្បីបំពេញថាមពលឱ្យសួត គឺជារឿងចាំបាច់មួយសម្រាប់អ្នកដែលនឿយហត់និងអស់កម្លាំងព្រោះតែាការងារដ៏ច្រើននិងស្មុគស្មាញពេញមួយសប្ដាហ៍កន្លងមក។
ទស្សនារូបភាពស្អាតៗរបស់កញ្ញា សុវត្ថិឌី ធារីកា ខាងក្រោមនេះ៖
