កាលពីរាត្រីថ្ងៃទី១៨ ខែសីហា ម្សិលមិញនេះ ប្ដីប្រពន្ធតារាសម្ដែងតារាចម្រៀង សួស វីហ្សា និង ថមមី បានបង្កើតកំណត់ត្រាដ៏ភ្ញាក់ផ្អើលមួយនៅពេលឡាយលក់លើបណ្ដាញសង្គម។
នៅក្នុង Live លក់ដែលប្ដីប្រពន្ធតារាល្បីក្នុងព្រះរាជាណាចក្រកម្ពុជាមានចំនួនទស្សនាច្រើនរហូតកើនឡើង១២១K មុននឹងដាច់ការ Live រហូតធ្វើឱ្យសមីខ្លួនអ្នកនាង សួស វីហ្សា ចេញមកសុំទោសដែលការ Live ដាច់មិនទាន់ជំរាបលា ថែមទាំងថ្លែងអំណរគុណចំពោះអ្នកគាំទ្រដែលបានចូលមកទស្សនាការ Live លក់របស់ប្ដីប្រពន្ធអ្នកទាំងពីរថែមទៀតផង។
ការ Live ខាងលើរបស់អ្នកទាំងពីរខាងលើនេះ មិនត្រឹមតែមានសាធារណជនជាអ្នកគាំទ្រចូលទស្សនាប៉ុណ្ណោះទេ ប៉ុន្តែថែមទាំងមានតារាល្បីៗចូលទស្សនាហើយលាន់មាត់សរសើរថ្វីមាត់និងសមត្ថភាព ក្នុងនោះមានតារាល្បីដូចជា តារាចម្រៀង កែវ វាសនា បានលើកឡើងថា៖ «បំបែកស្រុកខ្មែរហើយពៅ» ខណៈតារាចម្រៀងវ័យក្មេង សុវត្ថិឌី ធារីកា «សើចគាំងបងវីសារ, Congratulations, សើចឡើងគាំងហើយបង» ចំណែកនេនទុំ ក៏បាន Comment ដែរថា «ឡូយណាស់»។
គួរដឹងថាការ Live ដែលលោក Tommy បានតុបតែងខ្លួនជាមនុស្សស្រី ហើយហៅខ្លួនឯងថាចែមី និងភរិយាបានបង្ករបរិយាកាសសើចរីករាយដល់អ្នកទស្សនាទទួលបានការសរសើរច្រើនពីអ្នកលេងបណ្ដាញសង្គម ព្រោះជាការ Live ដែលមិនហែកហួរ ហែកកេរ្តិ៍ និងប្រើប្រាស់បញ្ហាគ្រួសារមកទាញយក View ប៉ុន្តែប្រើសមត្ថភាពនិងទេពកោសល្យមកទាក់ទាញការចូលទស្សនាការ Live លក់ផលិតផលរបស់អ្នកទាំងពីរ។
