ក្រុមបាល់ទះបុរសរបស់ជម្រើសជាតិអ៊ីរ៉ង់ បានក្លាយជាម្ចាស់ជើងឯកបាល់ទះប្រចាំទ្វីប 2021 Asian Men’s Volleyball Championship នៅឆ្នាំ២០២១ នេះពោលគឺជាការគ្រងជើងឯកជាលើកទី៤ របស់ខ្លួន បន្ទាប់ពីយកឈ្នះលើម្ចាស់ផ្ទះជប៉ុន នៅវគ្គផ្ដាច់ព្រ័ត្រ ដោយលទ្ធផល ៣សិតទល់០។
ពានរង្វាន់បាល់ទះជើងឯកប្រចាំទ្វីបអាស៊ី មានក្រុមខ្លាំងមកពីគ្រប់ច្រកល្ហកក្នុងទ្វីបអាស៊ី ចូលរួមប្រកួតប្រជែងចំនួន១៦ក្រុម ខណៈការប្រកួតរៀបចំឡើងជា២ដំណាក់កាលគឺវគ្គជម្រុះតាមពូលបឋម និងវគ្គជម្រុះតាមពូលបែងចែកទៅ២កម្រិត ដោយធ្វើឡើងនៅទីក្រុង Chiba និង Funabashi ពីថ្ងៃទី១២ ដល់១៩ ខែកញ្ញា ឆ្នាំ២០២១
កីឡាករទាំង១៤រូបដែលនាំអ៊ីរ៉ង់ ឈ្នះជើងឯកលើកទី១៤នេះមាន Jelveh, Ebadipour (ប្រធានក្រុម), Abedini, Toukhteh, Mojarrad, Mosafer, Hazratpour, Salehi, Kazemi, Esfandiar, Ramezani, Karimi, Esmaeilnejad, Gholipour។ លោក Behrouz Ataei ជាគ្រូបង្វឹក។
ដូច្នេះជប៉ុន និងអ៊ីរ៉ង់ ក្នុងនាមក្រុមឡើងដល់វគ្គផ្ដាច់ព្រ័ត្រពានរង្វាន់នេះមានឈ្មោះតំណាងឱ្យទ្វីបអាស៊ី ទៅចូលរួមប្រកួតពានរង្វាន់ជើងឯកពិភពលោក 2022 FIVB Volleyball Men’s World Championship នៅប្រទេសរុស្ស៊ី
សរុបចំណាត់ថ្នាក់ប្រចាំពាន 2021 Asian Men’s Volleyball Championship មានអ៊ីរ៉ង់ ជើងឯក, ជប៉ុន ជើងឯករង,ចិនលេខ៣,តៃវ៉ាន់ លេខ៤,កាតារ លេខ៥,អូស្ត្រាលី លេខ៦,ប៉ាគីស្ថាន លេខ៧, កូរ៉េខាងត្បូង លេខ៨,ឥណ្ឌា លេខ៩,បារ៉ែន លេខ១០,កាហ្សាក់ស្ថាន លេខ១១,អារ៉ាប៊ីសាអ៊ូឌីត លេខ១២,អ៊ូបេគីស្ថាន លេខ១៣,ហុងកុង លេខ១៤,ថៃ លេខ១៥ និងគុយវ៉ែត លេខ១៦។
ចំណែកពានរង្វាន់ឯកត្តជន វិញមានដូចជា៖
Most Valuable Player៖ Saber Kazemi (អ៊ីរ៉ង់)
Best Setter៖ Javad Karimi (អ៊ីរ៉ង់)
Best Outside Spikers៖ Milad Ebadipour (អ៊ីរ៉ង់) Yūki Ishikawa (ជប៉ុន)
Best Middle Blockers៖ Aliasghar Mojarrad (អ៊ីរ៉ង់) Li Yongzhen (ចិន)
Best Opposite Spiker៖ Kento Miyaura (ជប៉ុន)
Best Libero៖ Mohammad Reza Hazratpour (អ៊ីរ៉ង់)