ពានរង្វាន់បាល់ទាត់ផ្នែកបុរសធំប្រចាំតំបន់អាស៊ាន ឈ្មោះថា AFF Suzuki Cup ឆ្នាំ២០២០ បានលើកពេលទៅរៀបចំនៅចុងឆ្នាំ២០២១ ខាងមុខនេះ ដែលមានប្រទេសចំនួន១១ ជាសមាជិក ខណៈក្រុមបាល់ទាត់ជម្រើសជាតិបុរសកម្ពុជា ក៏ជាបេក្ខភាពមួយក្រុមដែរ។
ជាលទ្ធផលនៃការចាប់ឆ្នោតនៅរសៀលថ្ងៃអង្គារ នេះបានកំណត់ថា៖
ពូល A៖ ថៃ,មីយ៉ាន់ម៉ា,ហ្វីលីពីន,សិង្ហបុរី, ក្រុមវគ្គជម្រុះ អាចប្រ៊ុយណេ ឬ ទីម័រខាងកើត
ពូល B៖ វៀតណាម,ម៉ាឡេស៊ី,ឥណ្ឌូណេស៊ី,កម្ពុជា,ឡាវ
ពានរង្វាន់នេះគ្រោងដំណើរការប្រកួតពីថ្ងៃទី៥ ខែធ្នូ ឆ្នាំ២០២១ ដល់ថ្ងៃទី១ ខែ មករា ឆ្នាំ២០២២។
លទ្ធផលឆ្នាំចាស់របស់ក្រុមកម្ពុជា គឺធ្លាក់ចេញត្រឹមវគ្គជម្រុះតាមពូល ក្រោយចាញ់ម៉ាឡេស៊ី ១ទល់០ ថ្ងៃបើកឆាកពូល A បន្តចាញ់មីយ៉ាន់ម៉ា ៤-១ តែឈ្នះឡាវ ៣ទល់១ វិញ តែប្រកួតបិទពូលចាញ់វៀតណាម ៣-០៕
