កម្មវិធីបង្ហាញម៉ូដសំលៀកបំពាក់ដ៏ធំដែលអនុញ្ញាតឱ្យអ្នកច្នៃម៉ូដល្បីៗបង្ហាញស្នាដៃច្នៃម៉ូដរបស់ខ្លួនតែងតែរៀបចំឡើងជារៀងរាល់ឆ្នាំនៅទីក្រុង Paris ប្រទេសបារាំង។ កម្មវិធី Paris Fashion Week ឆ្នាំនេះរៀបចំឡើង ចាប់ពីថ្ងៃអង្គារ ទី២៨ ខែកញ្ញា រហូតដល់ថ្ងៃទី៦ ខែតុលា ឆ្នាំ២០២១ ស្អែកនេះ។
កម្មវិធីដ៏ធំនេះតែងតែមានវត្តមានតារាល្បីៗជាច្រើនរូបបង្ហាញវត្តមាន ដោយក្នុងឆ្នាំ២០២១ កម្មវិធីបានពន្យារពេលរៀបចំរបស់ខ្លួនពីចុងខែមិថុនា និងដើមខែកក្ដដា មករៀបចំនៅចុងខែកញ្ញារហូតដល់ដើមខែតុលាវិញដោយសារតែបញ្ហាឆ្លងរាលដាលនៃជំងឺកូវីដ-១៩។ យ៉ាងណាមិញកម្មវិធីនេះ ក្រៅពីវត្តមានតារាល្បីៗ ដូចជាស្រីស្អាត Jisoo សមាជិកក្រុមចម្រៀងលំដាប់ពិភពលោកមកពីប្រទេសកូរ៉េខាងត្បូង BlackPink ហើយនោះ ជាចំណាប់អារម្មណ៍លោក ជំទាវ យឹម ឆាយលីន ឧត្តមភរិយាឯកឧត្តម ហ៊ុន ម៉ានី ក៏មានវត្តមាននៅក្នុងកម្មវិធីនេះ ប្រកបដោយភាពទាក់ទាញ និងស្រស់ស្អាតជាមួយនឹងឈុតរ៉ូបវែងខ្មៅ។
ទស្សនារូបភាពលោកជំទាវ យឹម ឆាយលីន និង Jisoo ខាងក្រោមនេះ៖
ទស្សនាវីដេអូខាងក្រោម៖