តារា Tiktok ល្បីដែលមានចំនួន Followers ស្ថិតក្នុងចំណាត់ថ្នាក់លេខ២ លើ Platform បានរបូតបាត់អស់អ្នកគាំទ្រ (Followers) ជិត៨០លានគណនី ព្រោះតែលោកបានបង្ហោះសារប្រឆាំងនឹងការរើសអើងជាតិសាសន៍និងពណ៌សំបុរ នេះបើយោងតាមការផ្សព្វផ្សាយរបស់វែបសាយ dexerto។
សូមចុចអាន តារា TikTok ល្បី Khaby Lame មានប្រវត្តិជាអតីតកម្មកររោងចក្រ
បច្ចុប្បន្ន Khaby Lame គឺជា Content Creator ដ៏មានប្រជាប្រិយភាពខ្លាំងមួយរូបនៅលើ Tiktok ដោយមានចំនួន Followers ១១៥លាន Followers តាមពីក្រោយ Charli D’Amelio ដែលមានចំនួន Followers ១២៥,៦លានគណនីម្នាក់ប៉ុណ្ណោះ។ ប៉ុន្តែខណៈដែលកេរ្តិ៍ឈ្មោះនិងប្រជាប្រិយភាពរបស់លោកកាន់តែកើនឡើងស្រាប់តែមានអ្នកគាំទ្រមួយចំនួនបានឈប់តាមដាន (Follow) លោកនៅលើ IG ដែលធ្វើឱ្យលោកនៅសល់អ្នកតាម ត្រឹមតែ៤៨លានគណនីប៉ុណ្ណោះ។
មូលហេតុដែលធ្វើឱ្យលោករបូតបាត់អ្នកគាំទ្រច្រើនដល់ម្លឹងនោះក៏ព្រោះតែលោកបានផុសសារនៅលើ Stories របស់លោកដែលមានសរសេរពាក្យថា «និយាយថាទេចំពោះការរើសអើងជាតិសាសន៍»។
ថ្វីត្បិតតែការផុសរបស់លោកធ្វើឱ្យអ្នកគាំទ្រមួយភាគធំបែរខ្នងដាក់លោក ប៉ុន្តែបុរសរូបនេះបែរជាមិនខ្វាយខ្វល់ថែមទាំងបានផុសសំណេរបន្ថែមទៀត ដោយទទូចឱ្យអ្នកគាំទ្រលោកបង្កើតទស្សនៈវិជ្ជមានដែលជះឥទ្ធិពលល្អដល់ពិភពលោក។
ឆ្លៀតបង្កើតឱកាសក្នុងវិបត្តិ Khaby Lame មិនត្រឹមតែពោលថាលោកមិនខ្វល់ពីចំនួនអ្នក Follow លោកនោះទេ ប៉ុន្តែបារម្ភបំផុតនោះគឺបេះដូងអ្នកគាំទ្រ លោកក៏បានចង្អុលបង្ហាញឱ្យអ្នកគាំទ្រលោកធ្វើការបរិច្ចាគដើម្បីកិច្ចការងារមនុស្សធម៌ជាជាងចំណាយពេលវេលាឥតប្រយោជន៍មកសរសេរមតិអវិជ្ជមាន និងរិះគន់អ្នកដទៃ។
យោងតាមការលើកឡើងនេះបានសបង្ហាញឱ្យឃើញ Khaby បានបង្វែរស្ថានការណ៍អាក្រក់ឱ្យក្លាយជាឱកាសដើម្បីឱ្យមនុស្សមានឱកាសបានជួយអ្នកដទៃ ដោយលោកមិនបានព្រួយបារម្ភពីការបាត់ចំនួន Follow ប៉ុន្តែលោកផ្ដោតលើការបង្កើតអ្វីដែលថ្មី ដែលជួយដាស់ឱ្យមនុស្សដែលកំពុងដេកលង់លក់ឱ្យក្រោកដឹងខ្លួនឡើងវិញ។
@khaby.lame Me,Greta Thunberg,Vanessa Nakate and all activists in the world together for climate justice!Another world is possible and necessary! #learnfromkhaby ♬ suono originale – Khabane lame
