ខួបកំណើតវ័យ ៣៧ឆ្នាំ របស់លោក ឆន សុវណ្ណារាជ ច្បាស់ជាស្ថិតក្នុងការចងចាំទាំងហ្វេន និងសាមីខ្លួនយូរអង្វែង ព្រោះតែក្រុមគ្រួសារ មិត្តភក្ដិ និងអ្នកគាំទ្រ បានរួមគ្នាជូនកាដូវត្ថុមានតម្លៃ ជាច្រើនមុខដែលសុទ្ធសឹងជារបស់ដែលតារាចម្រៀងរូបនេះស្រលាញ់និងចង់បាននាពេលកន្លងមក។
ថ្វីត្បិតតែខួបកំណើតរបស់លោក ឆន សុវណ្ណារាជ បានកន្លងទៅពីរបីថ្ងៃហើយក្ដីប៉ុន្តែ អនុស្សាវរីយ៍ដ៏រំភើបរីករាយ ពិសេសការ Surprise របស់ក្រុមគ្រួសារលោកនៅតែស្ថិតក្នុងការចងចាំជានិច្ចព្រោះលោកបានបន្តផុសរូបភាពកាដូវត្ថុមានតម្លៃជាច្រើនដែលលោកទទួលបាន ក្នុងនោះមាននាឡិកាពេជ្រ គ្រឿងអលង្ការជាខ្សែក បាច់ផ្កាលុយដុល្លារ(ក្រដាស១០០ដុល្លារសុទ្ធ)មួយបាច់ធំ កាបូប ទឹកអប់។
នៅក្នុងចំណោមអ្នកគាំទ្រនិងសាច់ញាតិបងប្អូន ក៏មានវត្តមានអ្នកនាង ស្រីអូន ម្ចាស់ផលិតកម្មរាម និងក្រុមហ៊ុនសម្រស់ធម្មជាតិព្រមទាំងស្វាមី បានជូនកាដូជានំខួបមានរូបលោកដើម្បីអបអរខួបកំណើតជូនលោកសុវណ្ណារាជផងដែរ។
ក្រៅពីហ្វេនស្និតស្នាលនឹងលោកដែលបានចូលរួមអបអរសាទរ និងជូនកាដូដល់លោកហើយនោះ ក៏មានហ្វេនជាច្រើនបាន Comment ជូនពរដល់អាយដលសំណព្វចិត្តដូចគ្នាដែរ។