ទីបំផុតក្រុម Foolad Sirjan មកពីប្រទេសអ៊ីរ៉ង់ បានក្លាយជាម្ចាស់ជើងឯកពានរង្វាន់ជើងឯកក្លិបបាល់ទះប្រចាំទ្វីបអាស៊ី Asian Men’s Club Volleyball Championship នៅថ្ងៃសុក្រ សប្ដាហ៍នេះ បន្ទាប់ពីយកឈ្នះលើក្រុមបាល់ទះ Al-Arabi របស់ប្រទេសកាតារ ក្នុងវគ្គផ្ដាច់ព្រ័ត្រ ដែលធ្វើឡើងនៅប្រទេសថៃ។
លទ្ធផលសរុបវគ្គផ្ដាច់ព្រ័ត្រ ក្រុម Foolad Sirjan ឈ្នះលើក្រុម Al-Arabi ដោយលទ្ធផល ៣ទល់១ ពោលគឺ២៥ ទល់១៩, ២១ទល់២៥,២៥ទល់២៣ និង២៥ទល់២២។
សរុបចំណាត់ថ្នាក់ប្រចាំឆ្នាំក្រុម Foolad Sirjan ជាម្ចាស់ជើងឯក ក្រុម Al-Arabi ជាជើងឯករង ហើយក្រុម Burevestnik Almaty (កាហ្សាក់ស្ថាន) លេខ៣ ក្រុម Nakhon Ratchasima QminC (ថៃ) ឈរលេខ៤ ក្រុម South Gas (អ៊ីរ៉ាក់) ឈរលេខ៥ ក្រុម Kazma (គុយវ៉ែត) ឈរលេខ៦ ក្រុម Diamond Food (ថៃ) លេខ៧ ក្រុម AGMK (អ៊ូបេគីស្ថាន) លេខ៨ ក្រុម Rebisco (ហ្វីលីពីន)លេខ៩ និងក្រុមCEB (ស្រីលង្កា) លេខ១០។
ចំណែកពានរង្វាន់ឯកត្តជន មាន៖
Most Valuable Player៖ Saber Kazemi
Best Setter៖ Georgiev Borislav
Best Outside Spikers៖ Konstantin Čupković និង Vitaliy Vorivodin
Best Middle Blockers៖ Mahdi Jelveh Ghaziani និងNodirkhan Kadirkhanov
Best Opposite Spiker៖ Felipe Bandero
Best Libero៖ Tanapat Charoensuk
ក្រុម Foolad Sirjan ជាក្លិបរបស់អ៊ីរ៉ង់ ទី៧ ហើយដែលឈ្នះជើងឯកប្រចាំទ្វីបនេះ គិតចាប់តាំងពីបង្កើតឡើងដំបូងឆ្នាំ១៩៩៩ មក ខណៈក្លិបPaykan Tehran ឈ្នះជើងឯកបាន៧លើក ក្លិប Shahrdari Varamin ឈ្នះបាន២លើក ក្លិបSarmayeh Bank Tehran ឈ្នះ២លើក ក្លិប Sanam Tehran, Kalleh Mazandaran,Khatam Ardakan ឈ្នះបានម្នាក់១ដង៕
