បច្ចុប្បន្ននេះតារាងាយស្រួលនឹងត្រូវសាធារណជនហៅថាជនក្បត់ ដោយគ្រាន់តែរឿងសាមញ្ញប៉ុណ្ណោះ ឧទាហរណ៍ដូចជារឿងរ៉ាវរបស់ស្រីស្អាត Jisoo សមាជិក Blackpink ដែលត្រូវបានគេហៅថាជាជនក្បត់ដោយគ្រាន់តែស្រីតូចរូបនេះផុសរូបថតមួយសន្លឹករបស់ខ្លួនជាមួយនឹងទូរស័ព្ទត្រកូល Apple នៅលើបណ្ដាញសង្គមប៉ុណ្ណោះ។
សូមចុចអាន BLACKPINK ទម្លាក់ Maroon5 ជាក្រុមមានចំនួន Views ច្រើនបំផុតលើ YouTube!
កាលពីដើមឆ្នាំតារាសម្ដែងជនជាតិចិនដែលត្រូវបានគេចាត់ទុកថាវីរៈបុរសតំណាងជាតិ Wu Jing ក៏មានបញ្ហាស្រដៀងគ្នាកើតឡើងដែរ ដោយលោកគ្រាន់តែផុសរូបទូរស័ព្ទ Iphone នៅលើគណនី Weibo ហើយមិនបានផុសរូបទូរស័ព្ទ Huawei ដែលជាស្លាកសញ្ញាផលិតផលរបស់ប្រ
ទេសចិន។
ករណីដូចគ្នាបានកើតឡើងកាលពីពេលថ្មីៗនេះទៅលើស្រីស្អាតវ័យ២៦ឆ្នាំ តារាចម្រៀង K-pop ដ៏ល្បីល្បាញ Jisoo ដោយកញ្ញាគ្រាន់តែបង្ហោះរូបភាពធម្មតាមួយរបស់ខ្លួនដោយគ្រាន់តែមានបង្ហាញម៉ូដែលទូរស័ព្ទ Iphone ម៉ូដទើបនឹងចេញថ្មីជាមួយនឹង Case ទូរស័ព្ទដ៏ខ្យូត។
នៅពេលផ្ទុះរឿងនេះឡើងអ្នកគាំទ្ររបស់កញ្ញាបានចេញមកការពារ Idol របស់គេដោយបានលើកឡើងថាកិច្ចកុងត្រារបស់ក្រុម Blackpink ជាមួយនឹងក្រុមហ៊ុន Samsung បានចប់ជាងមួយឆ្នាំហើយ ដោយអ្នកទាំងនោះបាននិយាយថានាងអត់មានធ្វើអីខុសច្បាប់នោះទេ បើគ្រាន់តែមានប្រើទូរស័ព្ទថ្មីនោះ។ ចំណែកអ្នកផ្សេងទៀតក៏បានលើកឡើងដែរថា នេះមិនមែនជាលើកទីមួយឡើយដែលតារាស្រីរូបនេះផុសរូបភាពជាមួយនឹងទូរស័ព្ទអាយហ្វូន (Iphone) នោះ ព្រោះកន្លងមក Jisoo ក៏ធ្លាប់បង្ហោះរូបជាមួយនឹងទូរស័ព្ទនេះជាញឹកញាប់។
Jisoo និងសមាជិករួមក្រុម Blackpink ធ្លាប់ជាទូតសុច្ឆន្ទៈឱ្យស្លាកសញ្ញា Samsung ហើយដោយសារសមាជិក Blackpink មាន Jennie, Lisa និង Rose សុទ្ធតែជាទូតសុច្ឆន្ទៈឱ្យផលិតផលសញ្ជាតិកូរ៉េខាងត្បូង Samsung កាលពីឆ្នាំ២០១៩ ដូច្នេះអ្នកដែលមិនគាំទ្រក្រុមនេះបានស្ដីបន្ទោសនិងរិះគន់ថា «នាងគ្មានភក្ដីភាពសោះ» «ខ្ញុំច្បាស់ជាក្ដៅក្រហាយខ្លាំងមិនខានបើខ្ញុំជាក្រុមហ៊ុនផ្សព្វផ្សាយពាណិជ្ជកម្ម» «អ៊ីចឹងហើយបានជាខ្ញុំមិនដែលទិញផលិតផលដែលមាន Idol ជាអ្នកផ្សព្វផ្សាយ ព្រោះពួកគេអត់បានប្រើខ្លួនឯងទេ»
ខណៈដែលមានអ្នកខ្លះទៀតបានប្រើសម្ដីធ្ងន់ធ្ងរដោយហ៊ានហៅនាងថា «ជនក្បត់» ដោយគ្រាន់តែនាងគាំទ្រផលិតផលរបស់ក្រុមហ៊ុនអាមេរិក មិនបានគាំទ្រក្រុមហ៊ុនប្រទេសកូរ៉េ៕
