កាលពីថ្ងៃទី១៧ ខែតុលា មាននារីម្នាក់បានអះអាងថាខ្លួនគឺជាអតីតមិត្តស្រីរបស់តារាសម្ដែងកូរ៉េមួយរូប ដោយបានបកអាក្រាតថាបុរសរូបនោះបានធ្វើទង្វើអាក្រក់ដាក់ខ្លួនថែមទៀតផង។ បុរសដែលត្រូវបានអ្នកលេងបណ្ដាញសង្គមលើកយកមកជជែកថាអាចជាបុគ្គលសង្ស័យមានឈ្មោះរបស់តារាកូរ៉េល្បីៗជាច្រើននាក់រួមមាន៖ Kim Seon Ho , Wi Ha Joon, Lee Do Hyun, Song Kang, Lee Jae Wook, Ahn Bo Hyun, Kim Dae Young និង Hwang In Yoeb។
ស្ត្រីរូបនោះបានសរសេរនៅលើអ៊ិនធឺណិតដោយបានលើកឡើងពីចរិតមុខពីរ និងមិនចេះខ្មាសអៀនរបស់តារាសម្ដែងមួយរូបដែលកំពុងតែចាប់ផ្ដើមសាងឈ្មោះល្បីល្បាញរូបនោះ ហើយថែមទាំងចោទទៀតថាតារារូបនោះបានបង្ខំឱ្យខ្លួនរំលូតកូន ហើយកេងចំណេញលើខ្លួនដោយសន្យារឿងរៀបអាពាហ៍ពិពាហ៍។
ស្ត្រីរូបនោះបាននិយាយថាខ្លួននិងតារាប្រុសរូបនោះ បានបែកបាក់គ្នាកាលពី៤ខែមុន។ នារីរូបនោះក៏បានពន្យល់ដែរថាការដែលខ្លួនភ្លាត់ស្នៀតមានទម្ងន់ព្រោះតែមានម្ដងនោះមិនបានការពារ ហើយដោយសារតែសុខភាពរបស់ខ្លួនខ្សោយព្រោះមានទម្ងន់ទាំងនៅក្មេង ដូច្នេះនារីរូបនោះចង់បង្កើតកូន ប៉ុន្តែខុសពីការសន្យារបស់ខ្លួន តារាប្រុសរូបនេះបែរជានិយាយថា បើសិនជាខ្លួនបង្កើតកូននៅពេលនេះ លោកនឹងត្រូវចាយប្រាក់៩០០លានវ៉ុន ដើម្បីសងការខូចខាត ប៉ុន្តែគេមិនមានប្រាក់នោះទេ ធ្វើដូចនេះអាចបង្ករជាបញ្ហាដល់ឪពុកម្ដាយរបស់គេ? ចាំឆ្នាំក្រោយចាំរ៉ើទៅនៅក្នុងផ្ទះជុំគ្នា។
ប៉ុន្តែគ្រប់យ៉ាងបែរជាផ្លាស់ប្ដូរព្រោះក្រោយពីខ្លួនទម្លាក់កូនរួច តារារូបនោះបានផ្ញើប្រាក់២លានវ៉ុន ជាថ្លៃទម្លាក់កូន នារីរូបនោះបានបន្តទៀតថាដោយសារតែខ្លួនគិតថាគួរចែករំលែកដំណឹងនេះឱ្យតារារូបនោះបានដឹងទើបខ្លួនបានថតរូបខ្លួនពេលចូលនិងចេញពីមន្ទីរពេទ្យផ្ញើទៅគេដើម្បីបានដឹងថាខ្លួនប្រើប្រាស់លុយនោះធ្វើអ្វីខ្លះ តែគេបែរជាខឹងហើយចោទថាខ្លួនព្យាយាមធ្វើឱ្យមានអារម្មណ៍ខុសឆ្គង។ គាត់ចាប់ផ្ដើមបង្កររៀងហើយគំរាមកំហែងដាក់ខ្លួន។
នារីដែលចាត់ទុកថាខ្លួនជាជនរងគ្រោះបាននិយាយថា តារារូបនោះជាមនុស្សអាក្រក់ឈាមត្រជាក់ មិនដូចរូបភាពដែលគេព្យាយាមបង្ហាញឱ្យសាធារណជនបានឃើញនោះទេ គេចូលចិត្តនិយាយដើមមិត្តរួមការងារ តារារៀមច្បង តារាសម្ដែងជាមួយគ្នា អ្នកដឹកនាំ ហើយនឹងមនុស្សនៅជុំវិញខ្លួនគេ។
ចុងក្រោយនាងបានឱ្យដឹងទៀតថាគេគ្រាន់តែខលមករកនាងហើយនិយាយថាគេមិនអាចយកលុយនិងប្រជាប្រិយភាពរបស់គេមកប្រថុយនោះទេដូច្នេះទើបគេបែកគ្នាពីនាង។ នាងបានទម្លាក់គ្រាប់បែកមួយធំដែរថា ចំពោះអ្នកដែលសុំរូបនាងមានច្រើនណាស់ ប៉ុន្តែនាងរក្សាទុកជាឯកជនព្រោះខ្លាចត្រូវប្ដឹងផ្ដល់ នាងបានបន្តទៀតថានាងរងការឈឺចាប់និងរស់នៅក្នុងការដឹងខុសអស់រយៈពេល១ឆ្នាំជាងហើយ ទើបនាងមិនស្ទាក់ស្ទើរទេនឹងហែករៀងនេះឱ្យអ្នកផ្សេងបានដឹង៕