អ្នកនាង ស្រេង សុកាន់ដា ហៅខ្ញុង បានចេញមក Live បកស្រាយពាក់ព័ន្ធនឹងរឿងគ្រូដោះបំណុលដែលកំពុងតែល្បីល្បាញលើបណ្ដាញសង្គម ដោយខ្ញុងបានប្រមូលទ្រព្យដែលនៅសេសសល់ និងលក់ទ្រព្យមួយចំនួនបាន ជាង ៥០០ដុល្លារ ដើម្បីជួប លោកគ្រូដោះបំណុលម្នាក់ ហើយឈានទៅសម្រេចប្រកាសក្ស័យធន នៅមុខតុលាការ និងរៀបចំធ្វើសន្និសីទ ឈានទៅប្រកាសទទួលមូលនិធិសប្បុរសធម៌ពីមហាជន។ តួលេខ រយៈពេល ២ទៅ៣ថ្ងៃ គិតត្រឹមព្រឹកថ្ងៃទី២០ ខែតុលា នេះខ្ញុង រកប្រាក់បានជាង ៥ម៉ឺនដុល្លារហើយពីការបាញ់ប្រាក់ជួយតាមរយៈ ABA។
អ្នកនាង ស្រេង សុកាន់ដា បានបញ្ជាក់ចំពោះករណីផ្ទុះរឿងគ្រូដោះបំណុលជួយខ្លួននោះថា៖ ដំបូងឡើយគ្រូដោះបំណុលទារ ១ម៉ឺនដុល្លារ ដើម្បីជួយដោះស្រាយរឿងបំណុលរបស់អ្នកនាងមិនមែនហ្វ្រីនោះឡើយ ប៉ុន្តែអ្នកនាងមិនមានប្រាក់ច្រើនដល់ម្លឹងនោះទេ ទើបអ្នកនាងដកឃ្លាមកគិតសិន។ ទីបំផុតរឿងនេះបំណុលដឹងដល់ប្ដី ហើយអ្នកទាំងពីរបានអង្វករអ្នកដែលនាំឱ្យជួបគ្រូដោះបំណុល ដោយនិយាយថាខ្លួនមានត្រឹម៥០០ដុល្លារអាចជួបលោកគ្រូបានទេ ក្រោមការអង្វករនិងបញ្ជាក់ភស្ដុតាងរបស់ខ្លួនថាពិតអស់លទ្ធភាពមែនទែនហើយរកបានត្រឹម៥០០ដុល្លារ ទើបអ្នកនាងបានជួបគ្រូដោះបំណុលរូបនោះ។
ខ្ញុងនៅតែបញ្ជាក់ពីព្រឹត្តិការណ៍នេះថា ជាព្រឹត្តិការណ៍ពិត មិនមែន ជាការសម្ដែង បោកប្រាស់ សាធារណជននោះឡើយ គឺជារឿងពិត នៃការជំពាក់បំណុល។
ទឹកប្រាក់ ពីសប្បុរសជន ជាង ៥ម៉ឺនដុល្លារ ខ្ញុង ក៏ចង់បាន អ្នកជំនាញ ដើម្បីបែងចែកបំណុល ផងដែរ។ ទន្ទឹមនឹងនេះ ខ្ញុងក៏បានស្នើ ឲ្យ រៀមច្បង អ្នក សិល្បៈ មានការយោគយល់ ចំពោះហេតុការណ៍ ហើយថា ការណ៍ប្រកាសក្ស័យធន គឺជារឿង អស់លទ្ធភាពសងបំណុល ទៅម្ចាស់បំណុល ហើយខ្ញុងក៏ទទួលស្គាល់ពីសមត្ថភាព នៃការ សម្រេចចិត្ត និងការរកប្រាក់សងគេវិញ ផ្ទុយពីមនុស្សមួយចំនួន ដែល មានជំនាញលាក់បាំងបាន និងមានលទ្ធភាព សងបំណុល ទៅគេវិញ ជាដើម។
ការប្រកាសក្ស័យធន ក៏មានបំណង ចង់ ឲ្យ សល់ លុយ ខ្លះ ដើម្បីទុក ឲ្យ កូនៗ បានរៀនសូត្រ និងការយោគយល់ ពីម្ចាស់បំណុល បន្ធូរបន្ថយ ការយក ការប្រាក់ ឬបង្អង់ការទាមទារសំណង ប៉ុន្ដែម្ចាស់បំណុល មិនយោគយល់ ខ្ញុង ប្រកាស ចូល គុក។
គួរដឹងដែរថាអ្នកនាង ខ្ញុង ក៏បានបញ្ជាក់ជាចុងក្រោយដែរថាអ្នកនាងជំពាក់បំណុលនេះ មិនមែនដោយសារតែអ្នកនាងយកប្រាក់ទៅលេងល្បែងនោះទេ ចំណែកផ្ទះឡានដែលឃើញមានផុសព្រោងព្រាតតាមបណ្ដាញសង្គម ហេតុអ្វីមិនលក់សងគេនោះគឺគ្រាន់តែជារូបភាពចាស់ៗនោះទេ ពេលនេះអ្នកនាងនៅផ្ទះចាស់ និងកំពុងត្រូវម្ចាស់រឹបអូសស្អែកខានស្អែកនេះហើយ។