ចៅរបស់អតីតប្រធានាធិបតី Nelson Mandela លោក inkosi Zwelivelile Mandla Mandela វ័យ ២៤ឆ្នាំ បានស្រែកទាមទារឱ្យប្រទេសនៅទ្វីបអាហ្វ្រិចទាំងអស់ធ្វើពហិការកុំទៅចូលរួមប្រកួតកម្មវិធី Miss Universe នាប្រទេសអ៊ីស្រាអែលនៅខែធ្នូខាងមុខនេះ។
ក្រោយ Lalela Mswane បានក្លាយជាម្ចាស់មកុដ Miss South Africa 2021 នាថ្ងៃសៅរ៍កន្លងទៅ Mandla Mandela ចៅប្រុសរបស់អតីតប្រធានាធិបតីប្រទេសអាហ្វ្រិចខាងត្បូងលោក Nelson Mandela បានទាមទារឱ្យបវរកញ្ញាឯក របស់ប្រទេសខ្លួនធ្វើពហិការកម្មវិធីប្រកួត Miss Universe ពិភពលោកដែលនឹងរៀបចំនៅប្រទេសអ៊ីស្រាអែល នេះបើយោងតាមសារព័ត៌មានអាហ្វ្រិចខាងត្បូង IOL។
បុរសខាងលើបានធ្វើការសាទរចំពោះកញ្ញា Mswane នៅក្នុងកម្មវិធីសន្នីសីទកាសែតនាថ្ងៃអាទិត្យ នៅពេលលោកបានដឹងថា Miss Universe នឹងធ្វើនៅប្រទេសអ៊ីស្រាអែល Mandela បានសុំឱ្យបវរកញ្ញប្រទេសខ្លួននិងអតីតបវរកញ្ញានៅប្រទេសអាហ្វ្រិចខាងត្បូងធ្វើពហិការកម្មវិធីប្រកួតនេះ ដើម្បីប្រឆាំងនឹងអំពើសាហាវយ៉ង់ខ្នងដែលអ៊ីស្រាអែលបានធ្វើដាក់ជនជាតិប៉ាឡេស្ទីន ចំពោះប្រព័ន្ធរើសអើងពូជសាសន៍ ឬ ប្រព័ន្ធអាផាថាយ នៃពូជសាសន៍អ៊ីស្រាអែល។
«អំពើហិង្សារបស់អ៊ីស្រាអែលចំពោះជនជាតិប៉ាឡេស្ទីនគួរតែត្រូវតុលាការអន្តរជាតិ (ICC) កាត់ទោសប្រហារជីវិត។ ការគ្រប់គ្រងក្ដោងក្ដាប់របស់អ៊ីស្រាអែលមិនមានអ្វីគួរឱ្យស្អប់តិចជាងប្រព័ន្ធរើសអើងពូជសាសន៍នៅក្នុងប្រទេសអាហ្វ្រិចខាងត្បូងនោះទេ»។ នេះជាសម្ដីលើកឡើងរបស់ចៅលោក Nelson Mandela ប្រាប់ទៅកាន់សារព័ត៌មាន៕
