តាមការពិតអតីតមិត្តស្រីរបស់ Kim Seon Ho គឺជានារីដ៏ស្រស់ស្អាតនិងជាបុគ្គលិកទូរទស្សន៍ផ្នែកផ្សព្វផ្សាយរបស់ទូរទស្សន៍ KBS។ បច្ចុប្បន្ននេះនារីដែលត្រូវបានមហាជនសន្មតថាជាអតីតមិត្តស្រីរបស់ Kim Seon Ho បានលុបចោលនិងលាក់គណនីរបស់ខ្លួននៅលើបណ្ដាញសង្គម SNS មិនឱ្យអ្នកណាមើលឃើញ (SNS បណ្ដាញសង្គមដូចជាហ្វេសប៊ុក តែលេងតែក្នុងប្រទេសកូរ៉េ)។
សូមចុចអាន Kim Seon Ho លុបចោលការងារសិល្បៈបណ្ដើរៗក្រោយផ្ទុះករណីបង្ខំអតីតមិត្តស្រីរំលូតកូន…!
ចាប់តាំងពីប្រវត្តិនិងព័ត៌មានផ្ទាល់ខ្លួនត្រូវបានទម្លាយចេញមកខាងក្រៅ ជីវិតប្រចាំថ្ងៃរបស់នាងរូបនេះមានការប៉ះពាល់យ៉ាងខ្លាំង។ ក្នុងនោះពាក្យចចាមអារ៉ាមដែលតារាសម្ដែងកំពុងឡើងកូដ Kim Seon Ho បង្ខំឱ្យអតីតមិត្តស្រីរំលូតកូនបានផ្ទុះកក្រើកបណ្ដាញសង្គម និងមានការចុះផ្សាយតាមបណ្ដាញសារព័ត៌មានទាំងអស់នៅប្រទេសកូរ៉េ។
សូមចុចអាន Kim Seon Ho ដាច់ចិត្តចេញលិខិតសុំទោសអតីតមិត្តស្រីជាសាធារណៈក្រោយផ្ទុះរឿង…!
ថ្មីៗនេះ Kim Seon Ho បានចេញមកទទួលស្គាល់ថាគ្រប់យ៉ាងជាកំហុសរបស់ខ្លួន ដោយក្នុងនោះអត្តសញ្ញាណរបស់អតីតមិត្តស្រីលោកក៏ត្រូវបានទម្លាយចេញមកខាងក្រៅដែរ។ សាធារណជនបានរកឃើញថានារីរូបនោះគឺកញ្ញា Choi Young Ah អតីតពិធីការិនីផ្សាយព័ត៌មានអាកាសធាតុឱ្យទូរទស្សន៍ KBS។ សម្រាប់ Choi Young Ah មិនត្រឹមតែមានមុខមាត់ស្អាតតែម្យ៉ាងនោះទេ សូម្បីតែរូបរាងនិងការតុបតែងខ្លួនរបស់នារីរូបនេះក៏ទទួលបានការសរសើរខ្លាំងផងដែរ។
Choi Young Ah កើតនៅឆ្នាំ១៩៨៥ បញ្ចប់ការសិក្សាពីសកលវិទ្យាល័យ Hankuk University of Foreign Languages ជំនាញភាសាបារាំង។ កញ្ញាចាប់ផ្ដើមអាជីពជាអ្នកប្រកាសព័ត៌មានអាកាសធាតុឱ្យ YTN មុននឹងផ្លាស់ទៅ KBS។ ខណៈនេះ Choi Young Ah នៅតែបន្តសកម្មភាពនៅក្នុងឧស្សាហកម្មផ្សពផ្សាយ ហើយកញ្ញាក៏ត្រូវបានអ្នកផងសរសើរព្រោះតែកម្ពស់ខ្ពស់ ១ម៉ែត្រ៧០សង់ទីម៉ែត្រ និងមានរូបរាងស្អាតគួរឱ្យទាក់ទាញ៕
