យោងតាមការចុះផ្សាយរបស់លោក Fabrizio Romano បានឲ្យដឹងថាអតីតគ្រូបង្វឹកក្លិប Inter Milan លោក Antonio Conte បានយល់ព្រមមកដឹងនាំនៅក្រុមបិសាចក្រហម Manchester United ហើយប្រសិនបើលោក Ole Gunnar Solskjaer ត្រូវបានបណ្ដេញចេញពីតំណែង។
យ៉ាងណាមិញលោក Antonio Conte នៅមិនទាន់មានសំណើជាផ្លូវការណាមួយនៅនៅឡើយទេ ព្រោះអ្វីៗស្ថិតនៅក្នុងការសម្រេចចិត្តរបស់លោក Richard Arnold នាយកគ្រប់គ្រងក្លិប Man United នៅយប់នេះ។
បច្ចុប្បន្នក្លិប Man United កំពុងពិចារណាយ៉ាងម៉ត់ចត់ក្នុងការបណ្តេញលោក Solskjaer ចេញពីតំណែងក្រោយចាញ់ Liverpool ៥-០ យ៉ាងអាម៉ាសក្នុងផ្ទះខ្លួនឯងដែលធ្វើឲ្យអ្នកគាំទ្រជាច្រើនមិនពេញចិត្ត និងលែងទុកចិត្តចំពោះសមត្ថភាពរបស់លោកទៀតឡើយ។
គួរបញ្ជាក់ឲ្យដឹងថា ៤ប្រកួតចុងក្រោយនៅក្នុងក្របខណ្ឌ Premier League ក្រោមការដឹកនាំរបស់លោក Ole Gunnar Solskjaer គឺស្មើ១ ចាញ់រហូតដល់ទៅ៣ និងមិនដែលឈ្នះសោះ បច្ចុប្បន្នរំកិលទៅកាន់លេខ៧ មាន១៤ពិន្ទុគិតត្រឹមសប្តាហ៍ទី៩៖
– Man United ០-៥ Liverpool
– Leicester City ៤-២ Man United
– Man United ១-១ Everton
– Man United ០-១ Aston Villa៕
ប្រភព៖ Fabrizio Romano