យោងតាមការបញ្ជាក់របស់ លោក ឈូក ពិសិដ្ឋ អ្នកចាត់ក្រុមជម្រើសជាតិកម្ពុជាបានបង្ហើបប្រាប់សារព័ត៌មានត្រយង ថាកីឡាករជម្រើសជាតិកម្ពុជាអាយុក្រោម២៣ឆ្នាំ កំពុងធ្វើដំណើរត្រលប់មកព្រះរាជាណាចក្រកម្ពុជាវិញ ក្រោយបញ្ចប់ភារកិច្ចក្នុងពានរង្វាន់ជើងឯកយុវជនក្រោមអាយុ២៣ឆ្នាំប្រចាំទ្វីប AFC U23 Asian Cup នៅប្រទេសជប៉ុន។
ចំពោះពេលវេលាក្រុមជម្រើសជាតិកម្ពុជា នឹងមកដល់អាកាសយាន្តដ្ឋានអន្តរជាតិភ្នំពេញនៅម៉ោង ៥:៣០នាទី ថ្ងៃពុធ ទី២៧ ខែតុលា ឆ្នាំ២០២១ នេះ។ ដំណើរមកកម្ពុជា នេះនាយកប្រតិបត្តិនៃក្រុមហ៊ុនលីគបាល់ទាត់កម្ពុជា លោក សាតូសុី សៃតូ ក៏បានរួមដំណើរជាមួយក្រុមជម្រើសជាតិអាយុក្រោម២៣ឆ្នាំផងដែរ។
ក្រុម U23កម្ពុជា បានប្រកួតក្នុងពូល K នៅប្រទេសជប៉ុន ថ្មីៗនេះដោយលទ្ធផលគឺ៖
-២៣ តុលា ២០២១៖ កម្ពុជា ៤-២ ហុងកុង
-២៦ តុលា ២០២១៖ ជប៉ុន ៤-០ កម្ពុជា
