រឿងរ៉ាវ Drama ដែលត្រូវបានសង្គមថៃផ្ដោតការតាមដានយ៉ាងយកចិត្តទុកដាក់ហើយកំពុងតែល្បីល្បាញជាប់ Trend លើTwitter គឺរឿងរ៉ាវរបស់តន្ត្រីករ គ្រូភ្លេងលំដាប់ប្រទេសថៃ លោក Neung Jakkawal និងកូនស្រីពាក់ព័ន្ធនឹងករណីមានឃ្លីបវីដេអូមួយបានបង្ហាញថាលោកកំពុងប្រឡែងលេងជាមួយនឹងកូនស្រី ដោយខ្នាញ់កូនពេក ពេលនោះលោកប៉ារូបនេះបានចាប់គូទនិងចាប់ក្បាលពោះកូនស្រី។
រូបភាពវីដេអូនោះបានបង្ករឱ្យមានការមិនពេញចិត្តនិងការយល់ឃើញខុសៗគ្នាពីសំណាក់សាធារណជននិងមិត្តសិល្បករ ចំពោះអាកប្បកិរិយារបស់លោកនៅក្នុងវីដេអូដែលបានបង្ហោះនោះ។
យ៉ាងណាមិញសាមីខ្លួនលោក Neung Jakkawal និងភរិយា បានចូលរួមក្នុងកម្មវិធីសម្ភាសន៍មួយតាមរយៈវីដេអូ Call ដើម្បីធ្វើការបកស្រាយចំពោះការរិះគន់នានាដែលលោកកំពុងតែរងផលប៉ះពាល់នាខណៈនេះថា៖
«ដូចបានឃើញខ្ញុំយកដៃទៅអង្អែលក្បាលពោះកូនស្រី ខ្ញុំចាំបានថាពេលនោះកូនប្រាប់ថាឈឺពោះ រមាស់ ខ្ញុំក៏អេះឱ្យកូន ពេលអេះខាងក្រៅ កូនប្រាប់ថាអត់បាត់ ត្រូវអេះខាងក្នុងវាក្រហមអស់ហើយ ហើយនៅប្រាប់ទៀតថាឈឺពោះ ប៉ាចាប់ពោះខ្ញុំ ខ្ញុំកើតអី ពេលនោះខ្ញុំក៏អង្គុយលួងលោមកូន ការពិតពេលនោះគឺខ្ញុំកំពុងតែអង្គុយលួងលោមកូនទេ»
គ្រូភ្លេងល្បីរូបនេះបានបន្តប្រាប់ទៅកាន់ពិធីករទៀតថា «ដូចជាករណីដែលលេងព្យាណ៉ូហើយមានមនុស្សខ្លះថាឃើញខ្ញុំចាប់ខ្ញុំលូកអីអស់នោះ គឺមិនមែននោះទេ ការពិតខ្ញុំអង្គុយបង្រៀនព្យ៉ាណូកូន ហើយភរិយាខ្ញុំមើលឃើញហេតុអីកូនខ្ញុំអេះខាងៗមិនឈប់ កូនខ្ញុំក៏ប្រាប់មកខ្ញុំថា ប៉ាកូនរមាស់អេះឱ្យកូនបន្តិចមក ខ្ញុំក៏បង្រៀនព្យ៉ាណូកូនបណ្ដើរ អេះឱ្យកូនបណ្ដើរ និយាយរួមកូនខ្ញុំរមាស់ព្រោះតែផ្លាកខោ អាចមកពីការថតផងទើបធ្វើឱ្យមើលទៅមានការយល់ច្រឡំ»
ចំពោះការថើប ខ្ញុំព្យាយាមបង្កើតក្ដីនស្រលាញ់ ឱ្យកូនឃើញពីក្ដីស្រលាញ់របស់គ្រួសារ ធ្វើឱ្យកូនឃើញថាគ្រួសារយើងស្រលាញ់គ្នា តែអាចនឹងជាការយល់ឃើញរបស់អ្នកផ្សេង ជាចុងក្រោយសូមថ្លែងអំណរគុណចំពោះការណែនាំ ដែលបញ្ចេញជាមតិយោបល់ រឿងនេះធ្វើឱ្យមើលឃើញរឿងថ្មីៗមួយបែបទៀត ខ្ញុំនឹងព្យាយាមកែប្រែនឹងយកមកប្រើប្រាស់នៅក្នុងគ្រួសារ៕
