និយាយបានថានេះជាដំណឹងដ៏រំភើបមួយសម្រាប់អ្នកគាំទ្ររឿង «You Are My Glory» ប្រុសស្អាត Yang Yang និងស្រីស្អាត Dilraba នឹងវិលមកជួបគ្នាជាថ្មីនៅក្នុងភាពយន្តបុរាណមួយដែលនឹងចាប់ផ្ដើមថតនៅដើមឆ្នាំ២០២២ខាងមុខនេះ។
តួឯកប្រុសស្រីពីភាពយន្តភាគចិន «You Are My Glory» បានធ្វើឱ្យអ្នកគាំទ្ររំភើបនិងកក់ក្ដៅបេះដូងពេលបានទស្សនារឿងរ៉ាវស្នេហាដែលតួអង្គទាំងពីរបានសម្ដែង ចាប់ផ្ដើមតាំងពីក្នុងវ័យសិក្សា រហូតដល់អ្នកទាំងពីរចូលដល់វ័យធ្វើការងារ ហើយបានវិលត្រលប់មកជួបគ្នាជាថ្មី ព្រមទាំងបើកបេះដូងទទួលយកសេចក្ដីស្នេហាដ៏បរិសុទ្ធដែលលាក់កប់ក្នុងបេះដូងតាំងពីយូរយារណាស់មកហើយ។
ថ្មីៗនេះមានលេចចេញនូវដំណឹងដ៏មួយដែលធ្វើឱ្យអ្នកកំពុងឡើងជិះនាវា Ship របស់អ្នកទាំងពីររំភើបស្ទើរហោះ ព្រោះដឹងដំណឹងថា Yang Yang និង Dilraba នឹងត្រលប់មករួមសម្ដែងជាមួយគ្នាម្ដងទៀតនៅក្នុងរឿង «The Magic Blade» ដោយមានកំណត់ការថតនៅដើមខែមិថុនា ឆ្នាំ២០២២ ខាងមុខនេះ។ រឿងនេះធ្លាប់បានថតរួចម្ដងហើយកាលពីឆ្នាំ ២០១២ ដែលកាលណោះសម្ដែងដោយ Wallace Chung ។
រឿងសង្ខេប៖ ២៤ឆ្នាំមុន Yang Chang Feng មេបក្សពិភពគុន ត្រូវគេលួចធ្វើឃាតយ៉ាងអាថ៌កំបាំង រហូតក្លាយជារឿងក្ដីធំដែលនៅមិនទាន់រកពន្លឺឃើញនៅក្នុងពិភពគុន។ ២៤ ឆ្នាំក្រោយ Fu Hong Xue ក្មេងកំព្រាកូនតែម្នាក់របស់ Yang Chang Feng ក៏ត្រលប់មកសងសឹកវិញ គេត្រូវពុះពារឧបសគ្គ និងបញ្ហាលំបាកជាច្រើន ឆ្លងកាត់ចំណោទបញ្ហាចាក់ស្រេះ គំនុំ ស្នេហា គុណធម៌ ស្អប់ខ្ពើម ភក្ដីភាព និង អំពើក្បត់។
យ៉ាងណាដែរហ្វេនៗ ព័ត៌មាននេះចាត់ទុកជាដំណឹងល្អដែរទេ?
