ក្លិបបាល់ទាត់មាន់ខ្នាយមាស Tottenham Hotspur បានសម្រេចតែងតាំងលោក Antonio Conte ជាអ្នកចាត់ការទូទៅថ្មីរបស់ពួកគេរយៈពេល២ឆ្នាំ ពោលគឺរហូតដល់ខែមិថុនា ឆ្នាំ២០២៣ ក្រោយបណ្តេញលោក Nuno Espirito Santo ចេញពីតំណែង។
អត្ថបទពាក់ព័ន្ធ៖ ក្តៅៗ! លោក Nuno ត្រូវបានក្លិប Spurs បណ្តេញចេញពីតំណែង
គួររំលឹកលោក Antonio Conte បានលាឈប់ពីតំណែងជាគ្រូបង្វឹក Inter Milan ក្រោយជួយក្លិបឲ្យឈ្នះជើងឯក Serie A លើកដំបូងក្នុងរយៈពេល ១១ឆ្នាំ មូលហេតុដោយសារការអាក់អន់ចិត្តជាមួយនឹងកង្វះធនធានហិរញ្ញវត្ថុរបស់ក្លិប។
គ្រូបង្វឹកវ័យ ៥២ឆ្នាំរូបនេះក៏ធ្លាប់មកដឹកនាំក្រុមតោខៀវ Chelsea ចំនួន២រដូវកាលផងដែរ ដោយជួយឲ្យក្លិបឈ្នះពាន Premier League, FA Cup សរុបចំនួន២គ្រឿង និងត្រូវបានក្លិបបណ្តេញចេញនៅរដូវកាលបន្ទាប់ ក្រោយដឹកនាំ Chelsea បញ្ចប់ចំណាត់ថ្នាក់លេង៥ មិនមានកៅអី Champion League លេង។
ប្រភព៖ Fabrizio Romano
