សហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះកីឡាករចំនួន៣០នាក់ដំបូងក្នុងក្រុមជម្រើសជាតិកម្ពុជា នៅព្រឹកថ្ងៃអង្គារ ទី២៣ ខែ វិច្ឆិកា នេះត្រៀមចេញទៅប្រកួតក្នុងពានរង្វាន់បាល់ទាត់ធំប្រចាំតំបន់អាស៊ាន AFF Suzuki Cup 2020 ដែលធ្វើនៅប្រទេសសិង្ហបុរី នៅក្នុងខែធ្នូ ខាងមុខ ខណៈក្រុមបាល់ទាត់វិសាខា មានកីឡាករជាប់ឈ្មោះច្រើនជាងគេគឺរហូតដល់៦រូប។
ការប្រកួតចាប់ពីថ្ងៃទី៥ ធ្នូ ២០២១ ដល់ ១ មករា ២០២២ ខាងមុខដោយពូល A មានថៃ មីយ៉ាន់ម៉ា ហ្វីលីពីន សិង្ហបុរី និងទីម័រខាងកើត ហើយពូល A មានវៀតណាម ម៉ាឡេស៊ី ឥណ្ឌូណេស៊ី កម្ពុជា និងឡាវ។ កម្ពុជា ត្រូវប្រកួតបើកឆាកនៅថ្ងៃទី៦ ធ្នូ ២០២១ ដោយជួបក្រុមម៉ាឡេស៊ី លើទីលានកីឡដ្ឋាន Bishan Stadium៕