សហព័ន្ធកីឡាបាល់ទាត់អាស៊ី (AFC) បានបញ្ចេញបញ្ជីឈ្មោះក្លិបបាល់ទាត់ដែលជាសមាជិកទាំង៣១ប្រទេស ដែលទទួលបានអាជ្ញាប័ណ្ឌក្លិប (Licensed Clubs) សម្រាប់ប្រកួតក្នុងពានរង្វាន់បាល់ទាត់ជើងឯកកម្រិតទ្វីប 2022 AFC Cup ខាងមុខ។
ដោយឡែកកម្ពុជា មានសមាជិកក្លិបលីគកំពូលចំនួន១៣ តែក្នុងនោះមានក្លិប៦ប៉ុណ្ណោះមានឈ្មោះទទួលបានអាជ្ញាប័ណ្ណពី AFC ដោយក្នុងនោះមាន ១) ភ្នំពេញក្រោន ២) ព្រះខ័នរាជស្វាយរៀង ៣) វិសាខា ៤)បឹងកេត ៥) ណាហ្គាវើល និង៦) អង្គរថាយហ្គឺរ។
សម្រាប់ភាគីកម្ពុជា ក្នុងឆ្នាំ២០២២ ខាងមុខមានក្រុមចំនួន២ ឡើងទៅលេងក្នុងពានរង្វាន់ AFC Cup ដោយក្នុងមាន១ក្រុមជាម្ចាស់ជើងឯកលីគកំពូលកម្ពុជា រដូវកាល២០២១ គឺភ្នំពេញក្រោន ត្រូវមានឈ្មោះនៅវគ្គចែកពូល និងក្រុមម្ចាស់ជើងឯកពានរង្វាន់សម្តេចតេជោ ហ៊ុន សែន មានឈ្មោះប្រកួតនៅវគ្គជម្រុះ ដោយព័ត៌មានបឋមដែលសារព័ត៌មានត្រយង ទទួលបានគឺត្រូវជួបក្រុមជើងឯករងលីគកំពូលឥណ្ឌូណេស៊ី រដូវកាលឆ្នាំ២០២១។
ដោយឡែកបើក្រឡេកមើលតំបន់អាស៊ានវិញមានក្លិបទទួលបានអាជ្ញាប័ណ្ណពី AFC ដូចជា៖
*អាជ្ញាប័ណ្ណសម្រាប់ពាន AFC Champion League 2022
-វៀតណាម ១១ ក្លិប
-ម៉ាឡេស៊ី ១០ក្លិប
-មីយ៉ាន់ម៉ា ៩ក្លិប
-ថៃ ៨ក្លិប
-សិង្ហបុរី ៦ក្លិប
-ហ្វីលីពីន ៤ក្លិប
*អាជ្ញាប័ណ្ណក្លិបសម្រាប់ពាន AFC Cup 2022
-ឥណ្ឌូណេស៊ី ៩ក្លិប
-កម្ពុជា ៦ក្លិប
-ឡាវ ១ក្លិប
-ហ្វីលីពីន១ ក្លិប
-ទីម័រខាងកើត និងប្រ៊ុយណេ មិនមានក្លិបជាប់នោះទេ