កាលពីថ្ងៃទី២២ ខែ វិច្ឆិកា ឆ្នាំ២០២១នេះ នៅក្នុងការប្រកាសពានរង្វាន់កម្មវិធី American Music Awards 2021 ដែលបានប្រពិត្តឡើងនៅក្នុងសាលមហោស្រព Microsoft Theater ក្នុងទីក្រុង Los Angeles សហរដ្ឋអាមេរិក គឺមិនបានប្រកាសឈ្មោះរបស់តារាសិល្បករណាមួយនោះទេ ដោយសារតែមានតារាសិល្បករជាច្រើនពេក មកពីបណ្ដាប្រទេសជុំវិញពិភពលោកបានចូលរួម។
អ្វីដែលធ្វើឱ្យអ្នកគាំទ្រភ្ញាក់ផ្អើលខ្លាំងនោះ គឺគេឃើញមានក្រុមតារាចម្រៀងប្រុសរូបសង្ហា BTS មកពីប្រទេសកូរ៉េបានបង្ហាញវត្តមានក្នុងកម្មវិធីនេះ។ ក្រុមចម្រៀងប្រុសនេះ បានសាងប្រវត្តិសាស្ត្រថ្មីសម្រាប់តារាសិល្បៈអាស៊ី ក្នុងការដណ្ដើមពានរង្វាន់លំដាប់ថ្នាក់ពិភពលោក។ ក្រុមចម្រៀងប្រុសដែលមានសមាជិក៧នាក់នេះ បានដណ្ដើមយកពាន Artist of The Year ដែលបានយកឈ្នះគូប្រកួតដូចជា តារាចម្រៀង Ariana Grande, Drake, Olivia Rodrigo, Taylor Swift និង The Weeknd។
មិនតែប៉ុណ្ណោះ ក្រុមចម្រៀង BTS ក៏បានដណ្ដើមបានពានរង្វាន់ FAVORITE DUO OR GROUP ជាលើកទី៣ ដោយបទចម្រៀងប្រភេទមនោសញ្ចេតនារបស់ក្រុមនេះ បានឈ្នះបទ My Universe របស់តារាចម្រៀង Coldplay។
តារាប្រុស Kim Nam Joom ឬមានរហ័ស្សនាមថា Rap Monster បានឡើងបញ្ជាក់នៅលើវេទិកាកម្មវិធីនេះថា ក្រុមរបស់ពួកយើងបានចូលរួមមកសម្ដែងនៅក្នុងកម្មវិធីនេះ លើកដំបូងជាមួយនឹងបទ DNA។ នៅពេលនោះ ពួកយើងមានអារម្មណ៍ភ័យញាប់ញ័រ និងព្រួយបារម្ភខ្លាំងចំពោះការសម្ដែង។ ក៏ប៉ុន្ដែ វាជាពេលវេលាដែលហួសមកយូរហើយ ព្រមទាំងជាពេលវេលាដ៏អស្ចារ្យសម្រាប់ក្រុមពួកយើង។ យ៉ាងណាមិញ គ្មាននរណាម្នាក់ធ្លាប់គិតថា ពូកយើងនឹងដណ្ដើមបានពានរង្វាន់បែបនេះឡើយ ក្រៅពីអ្នកគាំទ្របស់ BTS ។ ក្មេងប្រុសកូរ៉េទាំង ៧នាក់ បានសាមគ្គីភាពគ្នាដោយចិត្តស្រឡាញ់តន្ដ្រី ក៏ដូចអ្នកគាំទ្របានសាងក្ដីស្រឡាញ់ចំពោះ BST និងបានសាងភាពសប្បាយរីករាយតាមរយៈការច្រៀងទូទាំងពិភពលោក៕