បវរកញ្ញាពិភពលោក ប្រទេស Cote D’Ivoire ប្រចាំឆ្នាំ២០២១ កញ្ញា Olivia Yace បានបង្ហាញឈុតតំណាងជាតិ ដែលនិយាយពីរឿងរ៉ាវរបស់កញ្ញា ជនជាតិ AKAN នៃប្រទេសកូតឌីវ័រ ទទួលបានការចាប់អារម្មណ៍ខ្លាំង។
ឈុតតំណាងជាតិនេះបង្ហាញពីភាពស្រស់ស្អាត, ស្ត្រីភាព,ក្លាហាននៃមនុស្សស្រីក្នុងអម្បូរមួយនេះ។ ឈុតតំណាងជាតិនេះបង្កើតឡើងដោយដៃយ៉ាងប្រណិតផ្ចិតផ្ចង់យ៉ាងពិសេស។ ឈុតនេះបង្ហាញពីស្ត្រីដ៏ក្លាហានដែលចេញមុខពុះពារកុមារនិងជាអ្នកផ្ដល់ជីវិត។ សំបកខ្យងដែលបង្កើតជាឈុតនេះឡើងគឺយកមកពីក្នុងមហាសមុទ្រ ជានិមិត្តសញ្ញានៃការបង្កើតថ្មី,ជិវិតនិងការការពារ។
សំបកខ្យងដែលរចនាឡើងជារ៉ូបមានក្បូរក្បាច់ដ៏ស្អាតដែលចង់រំលេចឱ្យឃើញពីទឹករលកដ៏ស្អាតនិងទឹកជ្រោះធម្មជាតិដ៏ស្រស់បំព្រងនៃប្រទេសនេះ (Côte d’Ivoire)។ មួកដ៏ធំដែលបវរកញ្ញាពាក់គឺចង់បង្ហាញពីឧបករណ៍ដាក់ទឹក (ដូចក្អម ឬឃ្លោក) ផ្ទុកទឹកពេញដែលស្ត្រីជនជាតិ AKAN ទូលនៅលើក្បាលក្រោយពេលទៅដងទឹកមកពីទន្លេ។ វាគឺជាប្រភពនៃជីវិត និងជានិមិត្តសញ្ញានៃការខិតខំប្រឹងប្រែង។ ខណៈសាច់ក្រណាត់ពណ៌ទឹកក្រូចតំណាងឱ្យទង់ជាតិនៃប្រទេស កូតឌីវ័រ ក៏ដូចជានិមិត្តសញ្ញាណនៃការស្នេហាជាតិ។
ក្រោយអ្នកគាំទ្របានឃើញឈុតរ៉ូបតំណាងជាតិរបស់បវរកញ្ញាពិភពលោកប្រទេស កូតឌីវ័រ ត្រូវបានផេក Sash Factor យកមកផ្សព្វផ្សាយនៅលើផេកអ្នកគាំទ្រជាច្រើនបានចូលមក Comment កោតសរសើរ និង បង្ហាញការពេញចិត្តយ៉ាងខ្លាំងចំពោះឈុតតំណាងជាតិរបស់បវរកញ្ញារូបនេះ៕