ក្រុមបាល់ទាត់ជម្រើសជាតិកម្ពុជា ត្រូវធ្វើដំណើរទៅកាន់ប្រទេសសិង្ហបុរី ដែលជាទឹកដីកណ្ដាលក្នុងការប្រកួតពានរង្វាន់បាល់ទាត់ AFF Suzuki Cup 2020 នៅវេលាម៉ោង៩:៣០នាទីព្រឹកថ្ងៃព្រហស្បតិ៍ ទី២ ខែធ្នូ ឆ្នាំ២០២១ នេះនៅច្រកអាកាសយានដ្ឋានអន្តរជាតិភ្នំពេញ តាមជើងហោះហើរលេខSQ 153។
តាមផែនការប្រកួត ក្រុមកម្ពុជា ស្ថិតនៅក្នុងពូល B ត្រូវជួបក្រុម៖
-៦ ធ្នូ ២០២១ កម្ពុជា Vs ម៉ាឡេស៊ី នៅកីឡដ្ឋាន Bisan Stadium
-៩ ធ្នូ ២០២១ ឥណ្ឌូណេស៊ី Vs កម្ពុជា នៅកីឡដ្ឋាន Bisan Stadium
-១៥ ធ្នូ ២០២១ កម្ពុជា Vs ឡាវ នៅកីឡដ្ឋាន Bisan Stadium
-១៩ ធ្នូ ២០២១ វៀតណាម Vs កម្ពុជា កីឡដ្ឋាន Bisan Stadium
ពានរង្វាន់បាល់ទាត់ AFF Suzuki Cup 2020 រៀបចំឡើងនៅ២កីឡដ្ឋានក្នុងប្រទេសសិង្ហបុរី ខណៈការប្រកួតដំណើរការពីថ្ងៃទី៥ ខែធ្នូ ២០២១ ដល់ ១ មករា ២០២២ ដោយមានក្រុមចូលរួមចំនួន១០ក្រុម បែងចែកជា២ពូល។ ក្រុមលេខ១និងលេខ២តាមពូលនីមួយៗមានឈ្មោះឡើងទៅវគ្គពាក់កណ្ដាលផ្ដាច់ព្រ័ត្រនិងផ្ដាច់ព្រ័ត្រ តែម្តង៕