សម្រាប់បវរកញ្ញាចក្រវាឡថៃឆ្នាំ២០២១ Miss Universe 2021 កញ្ញា Anchilee Scott-Kemmis មើលទៅ ទំនងជាយីអ៊ុនដាក់ ឆុតឆ្នាំក៏មិនដឹង ព្រោះជួបតែរឿងស៊យ ទើបតែបង្ហាញឈុតមិនទាន់បានមួយថ្ងៃផងបែរជាត្រូវគេជេរប្រមាថដោយភាសាចាក់ដោត ថាជាបវរកញ្ញាមិនស្រលាញ់ជាតិ។
កញ្ញា Anchilee គឺជាបវរកញ្ញាចក្រវាឡតំណាងឱ្យប្រទេសថៃចេញទៅ ប្រកួតនៅ ប្រទេសអ៊ីស្រាអែលក្នុងកម្មវិធី Miss Universe លើកទី៧០ ដោយនៅ ថ្ងៃទី៣ ខែធ្នូ ឆ្នាំ២០២១ ម្សិលមិញកញ្ញាបានបង្ហោះរូបស្លៀកឈុតតំណាងជាតិនៅ លើបណ្ដាញសង្គម (Social Media) ហើយប្រាកដណាស់ច្បាស់ជាមាន Feedback ជាច្រើនពីសំណាក់មហាជននិងអ្នកគាំទ្រ មិនថាជាការសរសើរឬរិះគន់នោះទេ។
ឈុតដែលបវរកញ្ញារូបនេះបានស្លៀកនិងបង្ហាញនៅ លើប្រព័ន្ធអនឡាញបានធ្វើឱ្យមានការមិនពេញចិត្តយ៉ាងខ្លាំង ព្រោះមានអ្នកយល់ឃើញថាឈុតនេះមិនស័ក្ដិសម ជាឈុតដែលធ្វើបាបទឹកចិត្តប្រជាជនថៃយ៉ាងក្រៃលែង «ស័ក្ដិសមដែរទេ ដែលយកខ្សែស្បែកជើងមានក្បូរក្បាច់និងលក្ខណៈដូចទៅ នឹងទង់ជាតិ ហើយសំខាន់បំផុតគឺដាក់នៅ ខាងក្រោមបំផុតគឺពណ៌ខៀវទៀត មានន័យអី មានចេតនាលាក់ពុតស្អីមែនទេ? ធ្វើបែបនេះមិនស័ក្ដិសមនោះទេ ក្រុមការងារ ក៏ដូចជាអង្គភាពពាក់ព័ន្ធជួយចាត់ការជាប្រញាប់ ប្អូនស្រីកំពុងធ្វើបាបចិត្តបងខ្លាំងពេកហើយ ទៅ នាងបវរកញ្ញាស្អប់ជាតិឯង»។
បន្ទាប់ពីសំណេររបស់បុគ្គលខាងលើត្រូវបានចែករំលែកពេញសង្គមអនឡាញ ក៏កើតមានការវាយប្រហារយ៉ាងខ្លាំងថា… «នៅ មានមនុស្សបែបនេះរស់នៅ ទៀតឬ? នេះឆ្នាំ២០២១ហើយណា, ខ្ញុំថាហើយ ខ្ញុំគិតតាំងពីឃើញកាលពីព្រឹកមិញម្ល៉េះ រឿងពណ៌ស្បែកជើង, កាត់អណ្ដាតខ្លួនឯងស្លាប់ទៅ , ធ្វើតាម Pattern ដើមឱ្យអ្នកថានឹងប្រេះទ្រូងស្លាប់ទៅ រំខានណាស់លោក ឈុតស្អាតសឹងអីនៅ ជេរដើម្បីស្អី?, ធ្ងន់ធ្ងរហើយ តទៅ ប្រហែលជាត្រូវហាមនាំចូលនិងផលិតស្បែកជើងពណ៌ខៀវហើយមើលទៅ , ស្បែកជើងពណ៌ខៀវមានរាប់សិបគូ អ៊ីចឹងខ្ញុំក៏ប្រហែលជាជនស្អប់ជាតិដែរហើយ, ហត់ចិត្តណាស់ជាមួយនឹងមនុស្សអស់នេះ»
យ៉ាងណាមិញនេះគ្រាន់តែជាការលើកឡើងពីបណ្ដាអ្នកលេងបណ្ដាញសង្គមនានាប៉ុណ្ណោះ ស្ថាប័នរដ្ឋ និងអង្គភាពប្រកួតមិនទាន់មានចេញមកប្រតិកម្មឬឆ្លើយតបទៅ នឹងរឿងនេះថាយ៉ាងណានៅ ឡើយនោះទេ ហើយសូម្បីតែសាមីខ្លួនផ្ទាល់ក៏មិនបង្ហាញពីការឆ្លើយតបចំពោះករណីនេះយ៉ាងណានោះដែរ។
