កាលពីរាត្រីថ្ងៃទី៤ ខែធ្នូ ឆ្នាំ២០២១នេះ កម្មវិធីប្រកួតប្រជែងសម្រស់ Miss Grand International 2021 បានឈានដល់វគ្គផ្ដាច់ព្រ័ត្រហើយ ចំណែកឯរាជិនីដែលបានគ្រងមកុដដ៏ល្អឯកនេះ គឺបានទៅលើ បវរកញ្ញា Nguyen Thúc Thuy Tiên មកពីប្រទេសវៀតណាម។
នៅក្នុងវគ្គប្រកួតផ្ដាច់ព្រ័ត្រនេះ បវរកញ្ញាដែលមានក្នុងចំណោម Top 5 គឺមាន Miss Grand South Africa Miss Grand Puerto Rico Miss Grand Vietnam Miss Grand Brazil Miss Grand Ecuador។ នៅពេលប្រកាសលិទ្ធផលម្នាក់ៗភ័យបុកពោះគ្រប់គ្នា។ ក៏ប៉ុន្ដែសម្រាប់ បវរកញ្ញាវៀតណាម Nguyen Thúc Thuy Tiên គឺអាចធ្វើបានសម្រេចយ៉ាងអស្ចារ្យ នាងទទួលបានមកុដ Miss Grand International 2021។
សូមជម្រាបជូនថា សម្រាប់ Miss Grand International 2022 ត្រូវបានប្រគល់សិទ្ធធ្វើជាម្ចាស់ផ្ទះរៀបចំការប្រកួត គឺបានទៅលើប្រទេសឥណ្ឌូនេស៊ី៕