ជាដំបូងសូមអបអរសាទរជូនចំពោះបវរកញ្ញាវៀតណាម ឬ Miss Grand Vietnam ដែលបានបង្កើតប្រវត្តិសាស្ត្រថ្មីសម្រាប់ជាតិក្លាយជានារីទីមួយដណ្ដើមបានមកុដ Miss Grand International ត្រលប់ទៅ ស្រុកកំណើត។
សូមចុចអាន រកឃើញ Miss Grand International 2021 ហើយ បានទៅលើ …
ប៉ុន្តែបើងាកមកអ្នកគាំទ្រនៅ កម្ពុជាវិញ មហាជនមួយចំនួននៅ តែក្ដៅ ស្លឹកត្រចៀក ហើយសម្ដែងការមិនពេញចិត្តនិងមិនអស់ចិត្តចំពោះរឿងឈុត evening gown (ឈុតរ៉ូបរាត្រី) ទោះកម្មវិធីបានបញ្ចប់ទៅ ហើយក្ដី។
សង្កេតតាមរយៈផេកគាំទ្រកម្មវិធីប្រកួតសម្រស់ធំៗ និង Group ហ្វេសប៊ុកនានាបានចេញមកសម្ដែងការយល់ឃើញផ្សេងៗដែលភាគច្រើនគឺបង្ហាញការមិនសូវជាពេញចិត្តប៉ុន្មាននោះទេ ចំពោះឈុត Evening Gown ពិសេសឈុតទទួលពានរង្វាន់ Top 10 របស់បវរកញ្ញា ប៉ូគីមថេង សុតធីតា ថែមទាំងមានការប្រៀបធៀបឈុតរ៉ូបរាត្រីរបស់ Miss Grand Cambodia ឆ្នាំមុន និង ឆ្នាំនេះ ទៅ នឹងឈុតតួល្ខោនយក្ខិនី និងឈុតឡកម៉ុងសាយផងដែរ។
ថ្វីត្បិតតែមានការរិះគន់ខ្លះៗពីសំណាក់អ្នកគាំទ្រមួយចំនួនក៏ពិតមែន ប៉ុន្តែក៏នៅ មានអ្នកគាំទ្រមួយចំនួនផ្សេងទៀត បានចេញមកឆ្លើយតបនិងការពារឈុតរ៉ូបរាត្រីដែលបវរកញ្ញាខ្មែរស្លៀកនេះថាស្អាតនិងស័ក្ដិសមហើយ ថែមទាំងលើកឡើងទៀតថានៅ មានឱកាសអភិវឌ្ឍឈុតឱ្យបានស្អាតល្អ នៅ ក្នុងការប្រកួតឆ្នាំក្រោយៗទៀត។
ខាងក្រោមនេះគឺជាមតិជុំវិញបញ្ហាចម្រូងចម្រាស រឿងឈុត Evening Gown ដែលបវរកញ្ញកម្ពុជា ប៉ូគីមថេង សុតធីតា បានគ្រងនៅ រាត្រីប្រកួតផ្ដាច់ព្រ័ត្រនិងទទួលរង្វាន់ Top10 ក្នុងកម្មវិធីប្រកួត Miss Grand International កម្មវិធីសញ្ជាតិថៃ ព្រោះមានមេគំនិតឬម្ចាស់ជាជនជាតិថៃ គឺលោកNawat Itsaragrisil ៕
