ការប្រកួតជុំទី២វគ្គសន្សំពិន្ទុនៃពូល B ក្នុងព្រឹត្តិការណ៍ពានរង្វាន់ AFF Suzuki Cup 2020 នៅ ប្រទេសសិង្ហបុរី ធ្វើឡើងនៅ ល្ងាចថ្ងៃព្រហស្បត្តិ៍ ទី០៩ ខែធ្នូ ឆ្នាំ២០២១ ដោយមានចំនួន២គូ៖
– ម៉ាឡេសុី vs ឡាវ លើទីលានកីឡដ្ឋាន Bishan Stadium វេលាម៉ោង៤:៣០ល្ងាច
– ឥណ្ឌូនេសុី v កម្ពុជា លើទីលានកីឡដ្ឋាន Bishan Stadium វេលាម៉ោង៧:៣០យប់។
លោក Shin Tae-yong គ្រូបង្វឹកជម្រើសជាតិឥណ្ឌូណេស៊ីបាននិយាយក្នុងសន្និសីទកាសែតមុនការប្រកួតជាមួយកម្ពុជាថា៖ «យើងនឹងមិនឱ្យកម្ពុជាមានបាល់លេងស្រួលៗ ដូចកាលប៉ះម៉ាឡេសុីឡើយ»។
លោក Ryu Hirose គ្រូបង្គោលជម្រើសជាតិកម្ពុជាថ្លែងថា៖ «ពួកយើងមិនខ្វល់នោះទេថាយើងកំពុងលេងជាមួយអ្នកណា ពួកយើងកំពុងស្ថិតក្នុងដំណាក់កាលអភិវឌ្ឍន៍ ដូចនេះយើងត្រូវលេងតាមគោលការណ៍របស់យើង។ ពួកយើងត្រូវតែដាក់សម្ពាធគូប្រកួត ទោះបីជាគូប្រកួតរបស់យើងជាប្រេស៊ីលឬក្រុមណាក៏ដោយ ការគ្រប់គ្រងបាល់ឱ្យច្រើនប្រជែងយកបាល់នៅ តំបន់ជ្រៅ ៗ ជាអ្វីដែលយើងនឹងធ្វើនៅ ថ្ងៃនេះ»។
ស្ថិតិនៃជំនួបរវាងកម្ពុជា ជាមួយឥណ្ឌូណេស៊ី គិតចាប់ពីឆ្នាំ១៩៩៥ គ្រប់កម្មវិធីសរុប១៦ប្រកួត កម្ពុជាមិនដែលឈ្នះម្តងណាឡើយ ដោយស្មើ១ និងចាញ់១៥ ហើយខាងក្រោមគឺលទ្ធផល៖