ចាប់ពីតាំងពី២០១០ រហូតដល់ឆ្នាំ ២០២១នេះបេក្ខភាពបវរកញ្ញាប្រទេសហ្វីលីពីន បានរក្សាលំនឹងជាបេក្ខភាពក្នុងវគ្គពាក់កណ្ដាលផ្ដាច់ព្រ័តរបស់កម្មវិធីបរវកញ្ញាឯកចក្រវាឡ។ បើទោះបីជាមានឆ្នាំខ្លះ បវរកញ្ញាហ្វីលីពីនមិនបានជាប់ជាម្ចាស់មកុដក៏ដោយ តែបវរកញ្ញាប្រទេសនេះបានឈរជាប់ចំណាត់ថ្នាក់ដ៏ល្អ ឈរនៅ ក្នុងវគ្គ Top 21 រហូតដល់ Top5 តែម្ដង។
គួរឱ្យកត់សម្គាល់ថា រយៈពេល ១២ឆ្នាំ មកនេះ ហ្វីលីពីនមានបវកញ្ញាចំនួន ២រូប បានគ្រងមកុដរាជិនីកំពូលសម្រស់ចក្រវាឡ។ នៅក្នុងនោះមាន បវកញ្ញា Pia Wurtzbach (ភៀ វើសបាច់) គឺជាបវកញ្ញាហ្វីលីពីនដំបូង ដែលបានយកឈ្នះមកុដបវកញ្ញាឯកចក្រវាឡនៅ ឆ្នាំ ២០១៥ ។ ក្រោយមកបវកញ្ញា ហ្វីលីពីនម្នាក់ទៀតឈ្មោះ Catriona Gray (ខេតរីអូណា ហ្គ្រេ) បានដណ្ដើមយកមកុដបវកញ្ញាឯកចក្រវាលនៅ ឆ្នាំ ២០១៨ ម្ដងទៀត។ ប្រវត្តិសាស្ត្រនេះគឺជាការសាងកេរ្តិ៍ឈ្មោះដ៏ល្បីល្បាញជូនប្រទេសរបស់ខ្លួន តាមរយៈវេទិកាប្រកួតសម្រស់អន្ដរជាតិ Miss Universe ។
គួរដឹងថា ការប្រកួតប្រជែងបវកញ្ញា គឺជារឿងដ៏សុក្រឹតបំផុតសម្រាប់ការជ្រើសរើសបេក្ខភាពដែលស័ក្ដិសមនិង មកុដ ពោលគឺបវរកញ្ញាជាម្ចាស់មកុដត្រូវតែមានចំណេះដឹងខ្ពង់ខ្ពស់ រូបសម្រស់ ទេពកោសល្យ និង ភាពក្លាហាន ដើម្បីក្លាយជាអ្នកតំណាងឱ្យប្រទេស ក៏ ដូចជាស្ត្រីនានានៅ លើពិភពលោកផងដែរ៕