សហព័ន្ធកីឡាបាល់ទាត់អាស៊ី បានបង្ហាញឈ្មោះប្រទេសចំនួន៣៥ ដោយបែងចែកជា៥តំបន់ ដើម្បីបញ្ជូនក្រុមចូលរួមប្រកួតក្នុងពានរង្វាន់ AFC Cup ឆ្នាំ២០២៣ ខាងមុខ ដោយក្នុងនោះមានអាស៊ីខាងលិច ៨ប្រទេស អាស៊ីអាគ្នេយ៍ ១០ប្រទេស អាស៊ីកណ្ដាល ៤ប្រទេស អាស៊ីខាងត្បូង ៧ប្រទេស អាស៊ីខាងកើត៦ប្រទេស។
សម្រាប់កម្ពុជា ស្ថិតក្នុងតំបន់អាស៊ាន ដោយមានកៅអី កន្លះកៅអី ពោលគឺស្ថិតក្នុងវគ្គជម្រុះប៉ុណ្ណោះ ស្របពេលចន្លោះឆ្នាំ២០២១ និង២០២២ កម្ពុជា មានក្រុមចំនួន២ ចូលរួមប្រកួតក្នុងពាននេះ ដោយ១ក្រុមនៅក្នុងវគ្គចែកពូល និង១ក្រុមទៀតស្ថិតនៅវគ្គជម្រុះ។ អ្វីដែលគួរឱ្យកត់សម្គាល់នោះក្រុមរបស់អូស្រ្តាលី បានធ្លាក់ចេញពីពាន AFC Champion League មកលេងក្នុងពាន AFC Cup ហើយក្រុមរបស់វៀតណាម បានឡើងទៅលេង AFC Champion League វិញម្តង៕
