Thursday, December 8 Login

ទិវា​អ្នក​ម្ដាយ​ឆ្នាំ​២០២១​ ​បាន​មក​ដល់​ទៀត​ហើយ​ ​ឱកាស​ពិសេសៗ​បែបនេះ​កូនៗ​ច្បាស់​ជា​កំពុង​គិត​ចង់​ផ្ទុះ​ក្បាល​ហើយ​មែន​ទែ?​ គិត​មិន​ចេញ​មិន​ដឹង​ថា​គួរ​ទិញ​អ្វី​ជូន​អ្នក​ម៉ាក់​ កុំ​បារម្ភ​ត្រយង​មាន​គំនិត​ល្អៗ​មក​ចែក​រំលែក​៖​

​១.នាឡិកា​ដៃ

​នាឡិកាដៃ​គឺ​ជា​កាដូ​ដែល​ស័ក្តិសម​គ្រប់​ឱកាស​សំខាន់ៗ​ ​មិន​ថា​ក្នុង​ទិវា​អ្នកម្ដាយ​ ​ខួប​កំណើត​ឬ​កម្មវិធី​ផ្សេងៗ​ ជា​ពិសេស​អ្នក​ដែល​ទទួល​បាន​អំណោយ​ជា​នាឡិកា​ក៏​អាច​ប្រើ​ប្រាស់​ ​(ពាក់)​ ​ជា​ប្រចាំ​ថ្ងៃ​បាន​ដែរ​ តែ​សំខាន់​ត្រូវ​ស្គាល់​ ​ដឹង​ថា​រសនិយម​ម៉ាក់​ចូលចិត្ត​នាឡិកាដៃ​បែប​ណា​គឺ​ជា​ការ​ស្រេច​ និយាយ​រួម​រើស​ម៉ូដ​ដែល​អ្នក​មិន​ធ្លាប់​ជូន​គាត់​​ហើយ​ជា​ម៉ូដ​ដែល​ជូន​ទៅ​គាត់​ហើយ​ត្រូវ​ចិត្ត​គាត់​។

សូមចុចត្រង់​នេះ៖ កុំភ្លេច​ត្រៀមកន្សែង​​! មើល៥​រឿង​នេះ​ល្អ​បំផុត​​​នៅ​ថ្ងៃ​ទិវា​អ្នកម្ដាយ​ស្អែក!

រូបតំណាង

២.កាបូប​

​សម្រាប់​កាបូប​​គឺ​ជា​កាដូ​លំដាប់​លេខ​មួយ​ដែល​នារី​ទាំង​ឡាយ​មិន​ថា​ចាស់​ឬក៏​ក្មេង​សប្បាយ​ចិត្ត​ខ្លាំង​ពេល​បាន​ទទួល​ ​គ្រាន់​តែ​ទិញ​កាបូប​ណា​ឲ្យ​ស៊ី​ទៅ​នឹង​វ័យ​ ​និង​ ​ការ​ប្រើប្រាស់​របស់​អ្នក​ម៉ាក់​ ​អាច​ចាត់​ទុក​បាន​ថា​ ​Mission​ Complete​

រូបតំណាង

៣.​ម្សៅ​តុបតែង​មុខ​មាត់​ (Make Up)

អាស្រ័យ​ទៅ​តាម​វ័យ​និង​ចំណង់​ចំណូល​ចិត្ត​បុគ្គល​ម្នាក់ៗ​ បើ​អ្នកម៉ាក់​ជា​មនុស្ស​ស៊ីវិល័យ​ស្រលាញ់​សម្រស់​ ចូលចិត្ត​ស្អាត​ ​ធានា​ថា​ទិញ​ ​Make up​ ​ច្បាស់​ជា​មិន​ខុស​បំណង​នោះ​ទេ​ ​មនុស្ស​ស្រី​ណា​មិន​ចង់​ស្អាត​ ចង់​ឱ្យ​សម្រស់​ក្មេង​ជាង​វ័យ​ សាក​ល្បង​ទិញ​ជូន​គាត់​ ​ធានា​ថា​ ​អ្នកម៉ាក់​ច្បាស់​ជា​រំភើប​ខ្លាំង​ជាក់​ជា​មិន​ខាន​ ជា​ពិសេស​បើ​មាន​លទ្ធភាព​គួរ​តែ​ដាក់​មួយ​ឈុត​ជូន​គាត់​តែ​ម្ដង​

រូបតំណាង

​៤.​ឈុត​ឡេ​ថែ​រក្សា​សម្រស់

សម្រស់​ជា​រឿង​ចាំ​បាច់​សម្រាប់​មនុស្ស​ស្រី​ជា​ពិសេស​គឺ​សម្បុរ​ស្បែក​នេះ​តែ​ម្ដង​ ដូច្នេះ​សម្រាប់​ឆ្នាំនេះ​អ្នក​កូន​ទាំង​ឡាយ​ដែល​មិន​ដឹង​ថា​គួរ​ទិញ​កាដូ​អ្វី​ជូន​ម៉ាក់​អាច​ពិចារណា​ ឈុត​ឡេ​ថែរក្សា​ស្បែក​ឲ្យ​នៅ​តឹង​ណែន​ក្មេង​ជាង​វ័យ​ ​ជូន​អ្នក​ម៉ាក់​ប្រាកដ​ជា​ធ្វើ​ឲ្យ​គាត់​សប្បាយ​ចិត្ត​មិន​ខាន​។​

រូបតំណាង

៥.​កាត​ជូនពរ​ធ្វើ​ដោយ​ដៃ

កំពុង​ផ្ទុះ​កូវីដ​ គ្មាន​ចំណូល​​មែន​ទេ​? ​កាដូ​ដែល​ស្ដាប់​មើល​ទៅ​សាមញ្ញ​ជាង​គេ​ ​តែ​ពោរពេញ​ដោយ​គុណ​តម្លៃ​និង​ទឹក​ចិត្ត​។​ សម្រាប់​ស្ថានភាព​កូវីដ​បែប​នេះ​ ​កូនៗ​ទាំង​ឡាយ​អាច​កំពុង​ជួប​វិបត្តិ​សេដ្ឋកិច្ច​ ​ដូច្នេះ​កុំ​ព្រួយ​ កាត​ជូនពរ​សរសេរ​ដោយ​ផ្ទាល់​ដៃ​ក៏​ជា​អំណោយ​ដែល​អ្នកម្ដាយ​គ្រប់​រូប​រីករាយ​នឹង​ទទួល​ដូច​គ្នា​ ព្រោះ​ក្នុង​សំណេរ​នោះ​អ្នក​បាន​បង្ហាញ​ពី​ក្ដី​គោរព​ស្រលាញ់​និង​ការ​ដឹង​គុណ​ ​ដែល​មាន​ចំពោះ​គាត់​ តើ​មាន​ម្ដាយ​ឯណា​មិន​រីករាយ​បាន​អាន​អក្សរ​កូន​សរសេរ​ដោយ​ផ្ទាល់​ដៃ​បញ្ជាក់​ពី​ចិត្តស្មោះ​បែប​នេះ​?​

រូបតំណាង

៦.​បាច់​ផ្កា​ស្អាត​ៗ

បាច់​ផ្កា​អាច​ជា​អំណោយ​ដែល​ពេញ​និយម​ខ្លាំង​និង​ជា​ជម្រើស​ដំបូង​គេ​ដែល​កូនៗ​នឹក​ឃើញ​ព្រោះ​ទី​មួយ​ អាច​បញ្ជា​ទិញ​តាម​ទូរស័ព្ទ​ឬ​អនឡាញ​ ​សំខាន់​ឲ្យ​តែ​ដឹង​ច្បាស់​និង​ជឿ​ទុក​ចិត្ត​ម្ចាស់​ហាង​ជា​ការ​ស្រេច​ ជាជាង​ការ​កុម្មង់​មិន​បាន​ដូច​ចិត្ត​។​ ​ផ្កា​ដែល​ពេញ​និយម​យក​មក​ធ្វើ​ជា​បាច់​ផ្កា​ជូន​អ្នក​ម្ដាយ​ភាគ​ច្រើន​គឺ​ក្រៅ​ពី​ផ្កា​កុលាប​ទៅ​មាន​ផ្កា​លីលី​ ​ផ្កាខាម៉ូម៉ាយ​ ​ផ្កាខាណេសិន​ និយាយ​រួម​ផ្កា​ប៉ុន្មាន​មុខ​នេះ​ពេញនិយម​បំផុត​សម្រាប់ៗ​កូន​ៗ​ធ្វើ​ជា​កាដូ​សម្រាប់​ម៉ាក់ម៉ាក់​ ព្រោះ​មាន​ភាព​ងាយស្រួល​ហើយ​មិន​ស្មុគស្មាញ​។​

យ៉ាង​ម៉េច​ដែរ​?​ ក្រោយ​ពី​អាន​ចប់​ដឹង​ហើយ​មែនទេ?​ ថា​ត្រូវ​ទិញ​អ្វី​ជូន​ម៉ាក់ៗ​ កុំភ្លេច​ខមមិន​ប្រាប់​ត្រយង​ឱ្យ​ដឹង​ផង​ណា!

Share.

Leave A Reply