ក្រុមចម្រៀង BLACKPINK គឺជាក្រុមចម្រៀងរបស់ប្រទេសកូរ៉េខាងត្បូង មានអ្នកគាំទ្រច្រើននៅទូទាំងពិភពលោក ដោយក្នុងនោះយុវវ័យក្នុងប្រទេសកម្ពុជាក៏ជាអ្នកគាំទ្រក្រុមចម្រៀងនារីសុទ្ធរបស់កូរ៉េមួយនេះផងដែរ។ ក្រុមអ្នកគាំទ្រ (BLINK Cambodia) បានចំណាយប្រាក់ជួលផ្ទាំង LED Billboard ដើម្បីអបអរខួបកំណើតរបស់កញ្ញា Kim Jisoo នៅមុខផ្សារទំនើប Olympia Mall។
ការរៀបចំ Project នេះឡើងគឺផ្ដើមឡើងដោយ JISOO Cambodia Fanpage (Jisoo Stan) ដែល Project នេះមានឈ្មោះថា «I CHUCHU U»។ តាមការបញ្ជាក់ពី Admin ផេក BLACKPINK-BLINK Cambodia បានប្រាប់មកកាន់ក្រុមសារព័ត៌មានត្រយងថា ការដាក់បញ្ចាំងវីដេអូលើផ្ទាំង LED Billboard នេះគឺមានរយៈពេល៧ថ្ងៃ រាប់ពីថ្ងៃទី២៨ ខែធ្នូ រហូតដល់ថ្ងៃទី៣ ខែមករា ឆ្នាំ២០២២ ខាងមុខនេះ។
ចំពោះរឿងប្រាក់ចំណាយ ក្រុមការងារសារព័ត៌មានត្រយងបានសាកសួរពីខ្ទង់ចំណាយរយៈពេល៧ថ្ងៃនេះដែរ ប៉ុន្តែក្រុមអ្នកគាំទ្រ BLINK Cambodia សូមលាក់ខ្ទង់ចំណាយដែលក្រុមខ្លួនបានផ្ដួចផ្ដើមធ្វើជូន អាយដល របស់ខ្លួន។
ក្រុមអ្នកគាំទ្រនៅកម្ពុជា ក៏បានអះអាងដែរថា JISOO គឺជាតារា kpop ទី 1 ផងដែរដែលមានវត្តមាននៅលេី billboard LED ជាលក្ខណៈអបអរថ្ងៃខួបកំណេីតនៅកម្ពុជាដែលហ្វេនៗស្រុះគ្នាធ្វេីអោយបែបនេះ៕
