យោងតាមការផ្សាយរបស់ PBE Media បានផ្សាយឱ្យដឹងពីតារា TVB ចំនួន៥ ដួងដែលទទួលបានតម្លៃថតខ្ពស់ជាងគេបំផុត។ ខាងក្រោមនេះគឺនាគទាំង៥ ដែលមានថ្លៃខ្លួនខ្ពស់ជាងគេ៖
១. Moses Chan
តារាសម្ដែងរូបនេះគឺជាតារាដែលមានភាពស្មោះត្រង់ខ្លាំងចំពោះ TVB រយៈពេល២០ឆ្នាំជាងកន្លងមកនេះ ទោះជាមានការស្នើសុំនិងផ្ដល់ឱកាសការងារជាច្រើននៅក្នុងប្រទេសចិនក្ដី។ ដើម្បីជាកាដូចំពោះភាពស្មោះត្រង់ TVB បានផ្ដល់តម្លៃលុយដ៏ច្រើនសន្ធឹកសន្ធាប់ដល់លោកដោយមួយឆ្នាំទទួលបានប្រមាណ 3,994,378.92 ដុល្លារអាមេរិក។ ទឹកប្រាក់នេះមិនរាប់បញ្ចូលប្រាក់ចំណូលដែលលោកបានទទួលពីកុងត្រាជា Presenter និងការងារផ្សេងៗទៀត។ ដូច្នេះមិនចម្លែកនោះទេ ដែលលោកអាចទ្រាំទ្រជាមួយនឹងតម្លៃឈ្មួលដ៏ថ្លៃ S$17K (ប្រមាណ12,575.83ដុល្លារ) ក្នុងមួយខែ
២. Kenneth Ma
ស្ថិតក្នុងលំដាប់ទីពីរគឺតារាសម្ដែងវ័យ ៤៧ឆ្នាំ Kenneth ដែលប៉ុន្មានឆ្នាំចុងក្រោយប្រជាប្រិយភាពលោកល្បីល្បាញយ៉ាងខ្លាំង។ ភាពយន្តដែលលោកសម្ដែង The Exorcist’s Meter ឬតាក់ស៊ីចាប់ខ្មោច (ឆ្នាំ2017) និង Big White Duel ឬអ្នកខ្លាំងអាវស (ឆ្នាំ2019) ល្បីល្បាញខ្លាំងណាស់ ពិសេសរឿងអាស្រូវដែលអតីតមិត្តស្រី Jacqueline Wong ក្បត់លោក រឹតតែជួយឱ្យតួនាទីរបស់លោកកាន់តែល្អ ក្នុងនាមជាបុរសស្មោះត្រង់ម្នាក់។
៣. Vincent Wong
អ្នកគាំទ្រប្រាកដជាសង្ឃឹមថា កុមារមាសរបស់ TVB ស្ថិតនៅលើបញ្ជីចំណាត់ទីមួយ ប៉ុន្តែបុរសវ័យ ៣៨ឆ្នាំ Vincent Wong បានបែងចែកការងាររវាងហុងកុង និងប្រទេសចិន ដែលនេះអាចជាមូលហេតុមួយដែលធ្វើឱ្យតម្លៃខ្លួនដែលលោកទទួលបានតិចជាងគេ។
៤. Wayne Lai
តារាសម្ដែងវ័យ៥៧ឆ្នាំ ដែលអ្នកគាំទ្រកម្ពុជាស្គាល់ហៅថាជ្រូកបា៉ជេ បានកាត់បន្ថយការងារការងាររបស់លោកច្រើននាប៉ុន្មានឆ្នាំចុងក្រោយនេះ ដែលអាចនិយាយបានថានេះគឺជាមូលហេតុដែលធ្វើលោកស្ថិតក្នុងតំណែងទី៤។ ខណៈដែលប្រាក់បៀរ៍វត្សរបស់ Wayne មិនសូវជាគាប់ប្រសើរបើប្រៀបនឹង Moses សារព័ត៌មានហុងកុងបានសង្កេតឃើញថាតារារូបនេះនៅជ្រមុជរកលុយនៅឡើយទេ។
យោងតាមរបាយការណ៍របស់សារព័ត៌មានក្នុងស្រុកចំណូលជាច្រើនរបស់លោកគឺបានមកពីការចូលរួមកម្មវិធីនៅប្រទេសចិន ក៏ដូចជាការសម្ដែងកំប្លែងផ្សេងៗទៀត។
៥. Ruco Chan
ស្ថិតក្នុងលំដាប់ទីពីរ តារាសម្ដែងវ័យ៤៤ឆ្នាំ សាងបាននូវភាពល្បីល្បាញបំផុតកាលពីឆ្នាំ២០១៦ គាត់បានឈ្នះពានរង្វាន់ Best Actor ក្នុងកម្មវិធី TVB Awards តាមរយៈការសម្ដែងរឿងភាគ A Fist Within Four Walls ឬ កណ្ដាប់ដៃជ្រែកជញ្ជាំង។
យោងតាមសារព័ត៌មានបានផ្សព្វផ្សាយថា Ruco បានព្យាយាមពិភាក្សាជាមួយនឹងក្រុមហ៊ុនដើម្បីទទួលបានប្រាក់កម្រៃប្រចាំខែខ្ពស់ ព្រោះកុងត្រារបស់លោកនឹងបញ្ចប់នៅក្នុងឆ្នាំ២០២១នេះ ប៉ុន្តែការពិភាក្សានោះមិនបានសម្រេចនោះទេ ប៉ុន្តែលោកបានចេញមកបដិសេធពាក្យចចាមអារ៉ាមនោះហើយនិយាយថាលោកទទួលបានប្រាក់ខែល្អហើយ។
អ្វីដែលគួរឱ្យចាប់អារម្មណ៍នោះគឺមានពាក្យចចាមអារ៉ាមថា TVB បានកាត់បន្ថយឈុតសម្ដែងរបស់លោកក្នុងរឿង Falling in Love With You During Childhood និង Invisible Team ដែលធ្វើឱ្យមនុស្សជាច្រើនមានចម្ងល់ថាតើ TVB ពិតជាកាត់បន្ថយឈុតសម្ដែងលោកដើម្បីលើក Vincent Wong៕
ទស្សនាវីដេអូខាងក្រោម៖
