ក្លិបភ្នំពេញក្រោន ប្រកាសចែកផ្លូវគ្នាជាមួយខ្សែបម្រើកណ្តាលកូនខ្មែរកាត់-បារាំង

ក្លិបបាល់ទាត់ភ្នំពេញក្រោនបានសម្រេចចែកផ្លូវគ្នាជាមួយកីឡាករ ប៉ាក់ កែវម៉ូនី​ ខ្សែបម្រើកណ្តាលខ្មែរកាត់-បារាំង នារសៀលថ្ងៃព្រហស្បតិ៍ ទី០៦ ខែមករា ឆ្នាំ២០២២ បន្ទាប់ពីចំណាយពេលចំនួន២រដូវកាល ជួយឲ្យក្លិបឈ្នះពានលីគកំពូលជាលើកទី៧។

ខ្សែបម្រើកណ្តាលវ័យ២៨ឆ្នាំរូបនេះ គឺជាអតីតកីឡាកររបស់ក្លិប Senart-Moissy ចន្លោះឆ្នាំ២០០៨ រហូតដល់ឆ្នាំ២០១៦ ហើយក៏ធ្លាប់ធ្វើតេស្តជាមួយក្លិប Feltham FC របស់ប្រទេសអង់គ្លេសទៀតផង។

កីឡាករ ប៉ាក់ កែវម៉ូនី​ អាចនិយាយ៤ភាសា៖ ខ្មែរ, អង់គ្លេស, បារាំង និងអេស្ប៉ាញ ក៏ធ្លាប់ចុះកិច្ចសន្យាជាមួយក្លិប San Clue Barcelona នៅប្រទេសអេស្ប៉ាញចំនួន២រដូវកាលចន្លោះឆ្នាំ២០១៦-១៨៕