នេះពិតជាស័ក្ដិសមចំពោះពាក្យដែលពោលថា «ត្រយងនាំសារពិតគ្រប់ទីកន្លែង» សារព័ត៌មានត្រយងត្រូវបានមហាជនកត់សម្គាល់ឃើញថា ជាសារព័ត៌មានដែលឈានមុខគេទាំងព័ត៌មាន សង្គម កម្សាន្ដ និងកីឡា ក្នុងវិស័យបច្ចេកវិជ្ជាទំនើបក្នុងព្រះរាជាណាចក្រកម្ពុជា។
សារព័ត៌មានត្រយងផ្នែកកម្សាន្ដក៏មានក្ដីសោមនស្សចំពោះការពោលសរសើរពីសំណាក់មហាជនអ្នកគាំទ្រ និងថ្មីៗនេះ កំពូលតារាចម្រៀងជើងចាស់អ្នកនាង ម៉េង កែវពេជ្ជតា បានពោលសរសើរអំពីសំឡេងនៃការអត្ថាធិប្បាយព័ត៌មានរបស់ក្រុមការងារសារព័ត៌មានត្រយង ជាពិសេសចំពោះ អ្នកនាង លួង ភីរ៉ូនីកា និងការផលិតព័ត៌មានផ្សាយចេញទៅកាន់មហាជនប្រកបដោយវិជ្ជាជីវៈនៃអ្នកសារព័ត៌មាន។
ម៉េង កែវពេជ្ជតា បានពោលសរសើរនៅលើបណ្ដាញសង្គមហ្វេសប៊ុកថា «ស្រលាញ់សំឡេងអ្នកនាងអ្នកផ្សាយ» ជាន័យបញ្ជាក់ទៅកាន់មហាជនថា អ្នកនាងពិតជាស្រឡាញ់និងពេញចិត្តការផ្សាយដ៏មានគុណភាពនៃព័ត៌មាន និងទឹកដមសំឡេងរបស់អ្នកសារព័ត៌មានត្រយងយ៉ាងព្រិតប្រាកដ។ មិនតែប៉ុណ្ណោះ បន្ទាប់ពីមានការបង្ហោះរបស់អ្នកនាង ម៉េង កែវពេជ្ជតា បែបនេះហើយ ខណៈហ្វេនៗអ្នកគាំទ្រកំពូលតារាចម្រៀងស្រីរូបនេះក៏បានចែករំលែកបន្ដពីព័ត៌មាននោះផងដែរ។
គួរឱ្យដឹងបន្ថែមថា កន្លងមកតែងតែមានមហាជនបានអះអាងថា សារព័ត៌មានត្រយង ជាសារព័ត៌មានលើកកម្ពស់លើសិទ្ធិសេរីភាពសារព័ត៌មាន បង្កើនចំណេះដឹងឆ្លើយតប ទៅនឹងក្របខណ្ឌច្បាប់នានា និងការអនុវត្តការងារប្រកបដោយវិជ្ជាជីវៈ ពិសេសបង្កើតគំនិតច្នៃប្រឌិតថ្មីក្នុងវិស័យសារព័ត៌មាននៅកម្ពុជាជាខេមរភាសា ដោយបញ្ជូនសារពិតៗទៅកាន់ចិត្តមហាជនកម្ពុជាយ៉ាងរហ័សទាន់ចិត្ត តាមរយៈគេហទំព័រព័ត៌មានត្រយង Troryorng.com.kh និងបណ្ដាហ្វេសប៊ុកផេចរបស់សារព័ត៌មានដូចជា ៖ Troryorng – ត្រយង , Troryorng Entertainment, Troryorng Sports, Troryorng TV , Troryorng Social ជាដើមផងដែរ៕