ក្លិបបាល់ទាត់កងយោធពលខេមរភូមិន្ទ ប្រកាសបន្តកិច្ចសន្យាថ្មីជូនខ្សែបម្រើសញ្ជាតិជប៉ុន Yuta Kikuchi នាព្រឹកថ្ងៃទី៨ ខែមករា ឆ្នាំ២០២២ ដើម្បីត្រៀមចូលរួមការប្រកួតពានរង្វាន់កម្ពុជាលីគកំពូលខាងមុននេះ។
ក្រៅពីបន្តកិច្ចសន្យាថ្មីជូន Yuta ក្លិបបាល់ទាត់កងយោធពលខេមរភូមិន្ទ ក៏បានប្រកាសជ្រើសរើសយុវជនអាយុក្រោម២១ឆ្នាំ ចូលរួមជាមួយក្រុម TIFFY ARMY FC U21 លីគលំដាប់ទី២។
សម្រាប់លក្ខខណ្ឌចូលរួមមានដូចតទៅ៖
– ផ្ដល់អាទិភាពសម្រាប់អ្នកនៅភ្នំពេញដែលមានអាយុពី១៩ ដល់ ២១ឆ្នាំ
– បេក្ខជនត្រូវតែមានសម្ថភាព និងឆន្ទៈក្នុងកីឡាបាល់ទាត់
– បេក្ខជនដែលចូលរួមធ្វើតេស្តត្រូវមានសម្ភារៈកីឡាមកជាមួយដូចជាស្បែកជើង ខោអាវ កីឡាជាដើម។
ចំពោះពេលវេលាធ្វើតេស្ត៖ នៅថ្ងៃទី១០ មករា ឆ្នាំ២០២២ ចាប់ពីវេលាម៉ោង៨ព្រឹកតទៅ នៅកីឡដ្ឋានកងយោធពលខេមរភូមិន្ទ(ស្តាតចាស់)៕
