ក្លិបបាល់ទាត់ភ្នំពេញក្រោន ម្ចាស់ជើងឯកលីគកំពូលកម្ពុជា៧សម័យកាល សម្រេចបន្តកិច្ចសន្យាថ្មីជូនដល់កីឡាករ ៥រូបបន្ថែមទៀត ដើម្បីត្រៀមសម្រាប់លីគកំពូលកម្ពុជា២០២២។
កីឡាករទាំង៥រូបមានដូចជា៖
១. ខ្សែបម្រើ អ៊ន ចាន់ប៉ូលីន កិច្ចសន្យារហូតដល់ឆ្នាំ២០២៤
២. អ្នកចាំទី សាវែង សំណាង កិច្ចសន្យារហូតដល់ឆ្នាំ២០២៥
៣. ខ្សែការពារស្លាប យ៉ើ ម៉ូស្លីម កិច្ចសន្យារហូតដល់ឆ្នាំ២០២៥
៤. ខ្សែបម្រើ ជួន ចាន់ចាវ កិច្ចសន្យារហូតដល់ឆ្នាំ២០២៥
៥.ខ្សែប្រយុទ្ធ Valeriy Hryshyn កិច្ចសន្យារហូតដល់ចប់រដូវ ២០២២។
ថ្មីៗនេះក្លិបបាល់ទាត់ភ្នំពេញក្រោន ក៏បានប្រកាសអំពីការវិលត្រលប់របស់កីឡាករ សឿត បារាំង និង គង់ ចាន់វុទ្ធី នៅថ្ងៃអាទិត្យ ទី០២ ខែមករា ឆ្នាំ២០២២ ដើម្បីត្រៀមប្រកួតប្រជែងវគ្គចែកពូល AFC CUP និងពានក្នុងស្រុកហូរហែលជាដើម៕