តារាចម្រៀង Rap ដ៏ល្បីល្បាញរបស់កម្ពុជាវណ្ណដា បានបង្ហោះរូបថត៣សន្លឹកបង្ហាញខ្សែកពេជ្រម៉ូដលលាដ៍ក្បាលនិងម៉ូដសក់ថ្មីដ៏ស្រស់សង្ហាធ្វើឱ្យហ្វេនរបស់លោកចូលមកសរសើរគ្រប់ៗគ្នា។ តើខ្សែកពេជ្រមួយខ្សែនេះមានតម្លៃប៉ុន្មាន? ហើយប្រើប្រាស់ពេជ្រសរុបចំនួនប៉ុន្មានគ្រាប់ដែរ?
ក្រុមការងារសារព័ត៌មានត្រយងបានទំនាក់ទំនងតាមសារអេឡិចត្រូនិចទៅកាន់ហាងពេជ្រដែលបានច្នៃម៉ូដខ្សែករបស់ វណ្ណដា ទទួលបានចម្លើយមកថាខ្សែករបស់វណ្ណដា គឺជាខ្សែកកុម្មង់ពិសេសប្រភេទ Limited Edition ដែលអាចនិយាយបានថាមានតែគត់លើលោកទោះជាមានប្រាក់ចង់កុម្មង់ធ្វើឱ្យដូចលោក ក៏ខាងហាងពេជ្រមិនទទួលធ្វើដែរ ចំពោះតម្លៃនិងចំនួនត្បូងពេជ្រដែលត្រូវប្រើសម្រាប់ច្នៃជាខ្សែកលលាដ៍ក្បាលនេះ មិនត្រូវបានហាងពេជ្រទម្លាយចេញមកខាងក្រៅនោះទេ ដោយសារតែជាការសម្ងាត់របស់អតិថិជន។
ម៉ូដខ្សែពេជ្រលលាដ៍ក្បាលនេះ ត្រូវបានអ្នកគាំទ្រមើលឃើញថាគឺតំណាងឱ្យបទចម្រៀងក្នុងអាល់ប៊ុម «Skull» ខណៈដែលហ្វេនៗមួយចំនួនទៀតយល់ថាលោកប្រហែលជាជិតចេញចម្រៀង «Skull» ទីII ហើយព្រោះក្នុងបទចម្រៀង «Catch me if you can» ក៏មានតម្រុយបង្ហាញរូបលលាដ៍ក្បាលនៅចុងបញ្ចប់នៃបទចម្រៀងដែរ។
យ៉ាងណាដែរហ្វេនៗរបស់វណ្ណដា ខ្សែករបស់អាយដល ស្អាត ប្លែក ដែរទេ?