ទស្សនាវដ្ដី Forbes បានចេញបញ្ជីឈ្មោះ Content Creator ចំនួន១០នាក់ដែលរកចំណូលបានច្រើនជាងគេបំផុតនៅលើយូធូបរយៈពេល៣ឆ្នាំជាប់ៗគ្នា ដោយក្នុងនោះមានក្មេងស្រីអាយុ៧ឆ្នាំជាមនុស្សស្រីតែម្នាក់គត់ ដែលស្ថិតក្នុងបញ្ជីបុគ្គល១០រូប អាចរកបានចំណូលច្រើនបំផុតនៅលើ Youtube។
កុមារី Anastasia Radzinskaya ឬដែលហ្វេនៗស្គាល់ថា Nastya មានចំនួន Subscriber រហូតដល់១០០លាន នៅលើ Channel Youtube ទាំង១១របស់នាង ហើយបើតាមការរាយការណ៍ពីទស្សនាវដ្ដី Forbes បានរាយការណ៍ថាកុមារីរូបនេះរកប្រាក់ចំណូលបានប្រមាណ២៨លានដុល្លារក្នុងឆ្នាំ២០២១ ដោយប្រាក់ដែលទទួលបានគឺបានពីចំណូលពី Youtube ផ្ទាល់និងការផ្សាយ Brand ផលិតផលផ្សេងៗ។
ស្ថិតក្នុងលំដាប់ទីមួយដែរនោះគឺ Jimmy Donaldson ឬអ្នកគាំទ្រស្គាល់ថា Mr.Beast ដែលវីដេអូផលិតហ្គេមដូច Squid Game ក្នុងជីវិតពិត មានចំនួន២០២លានដង ក្នុងរយៈពេលមិនដល់២ខែផង បន្ទាប់ពីវីដេអូនេះបានបង្ហោះលើ Youtube។ លោករកបានចំណូលសរុប៥៤លានដុល្លារ។នៅក្នុងឆ្នាំ២០២១ លោកបានបង្កើតយុទ្ធនាការ #Teamseas ដែលរកបានប្រាក់ជាង៣០លានដុល្លារ ដើម្បីទៅសំអាតមហាសមុទ្រ។
ស្ថិតនៅលើបញ្ជីឈ្មោះរកប្រាក់ចំណូលបានច្រើនដែរនោះគឺកុមារា Ryan Kaji ម្ចាស់រហស្សនាមស្ដេចប្រដាប់ក្មេងលេង។ បងប្អូនប្រុសតារា Youtube សម្បូរបញ្ហា Jake និង Logan Paul ,Rhett និង Link, Dude Perfect និងអ្នកជំនាញហ្គេម Markiplier។
យោងតាមទស្សនាវដ្ដី Forbes មនុស្ស៣នាក់ដែលរកបានចំណូលច្រើនខ្លាំង តាមរយៈកុងត្រាជាមួយនឹងផលិតផល Brand ធំៗដូចជាតារាល្បីៗផ្សេងទៀតដែរ។ តាមរយៈការរៀបរាប់នេះប្រាកដជាធ្វើឱ្យអ្នកមានការភ្ញាក់ផ្អើលនិងចង់ដឹងថាតើតារាៗរកបានប្រាក់ប៉ុន្មានពីការ Live? តាមដឹង បងប្អូនត្រកូល Paul រកបានប្រាក់ចំណូល៩០ភាគរយពីការប្រដាល់ ហើយពួកគេកម្រផុសវីដេអូលើ Youtube ទៀតណាស់៕
ប្រភព៖ thegaltimes
