តារាសម្ដែងវ័យក្មេងដែលសម្ដែងជាកូនប្រុសច្បង Noon Woranuch ក្នុងរឿង «មាសទឹក៩» ត្រូវបានផលិតកម្មដ៏ធំរបស់កូរ៉េ Big Hit Music ជ្រើសរើសជាសមាជិកទី៧ក្នុងក្រុមចម្រៀងថ្មី Trainee A នេះបើតាមចុះផ្សាយពីសារព័ត៌មាន Allkpop។
កាលពីថ្ងៃទី២០ ខែមករាម្សិលមិញនេះ Jo Woo Chan សមាជិកម្នាក់នៃក្រុមចម្រៀង Trainee A បានបង្ហោះរូបភាពរួមជាមួយនឹងសមាជិកទាំងអស់ដើម្បីអបអរសាទរខួបកំណើតគម្រប់១៨ឆ្នាំរបស់ខ្លួន។ Jo Woo Chan បានផ្ញើសេចក្ដីអរគុណចំពោះសមាជិកទាំងអស់របស់ខ្លួនដែលបានរៀបចំកម្មវិធី Surprise ខ្លួននៅក្នុង បន្ទប់ហ្វឹកហាត់។ ក្រៅពីនោះតារាចម្រៀងវ័យក្មេងរូបនេះថែមទាំងបង្ហាញឈ្មោះសមាជិកទី៧ក្នុងក្រុមរបស់ខ្លួនជាលើកដំបូងថែមទៀត។
«ខ្ញុំពិតជាភ្ញាក់ផ្អើលណាស់ដែលអ្នកទាំងអស់គ្នាបានរៀបចំកម្មវិធី Surprise ឱ្យខ្ញុំ! ជូនចំពោះសមាជិកទាំងអស់ដែលបានជូនពរខ្ញុំក្នុងថ្ងៃខួបកំណើត Sangwon,Leo,James,JJ, Jihoon និង Yorch ដែលនៅទីបំផុតអាចបញ្ចេញឱ្យគេដឹងហើយ។
Yorch តាមពិតមានកេរ្តិ៍ឈ្មោះល្បីក្នុចំណោមអ្នកគាំទ្រអ្នកគាំទ្រមួយចំនួនក្នុងនាមជាតារាសម្ដែងនិងម៉ូដែល។ បុរសវ័យក្មេងរូបនេះមានឈ្មោះ Yorch Yongsin Wongpanitnont កើតនៅថ្ងៃទី១១ ខែមេសា ឆ្នាំ២០០២ ចាប់ផ្ដើមប្រឡូកក្នុងវិស័យសិល្បៈថៃកាលពីអាយុ១០។
សមាជិកទាំង៦ផ្សេងទៀតនៃក្រុមចម្រៀង Trainee A មានឈ្មោះដូចជា៖
១.Leo (Age 21, Australia)
២.Sangwon (Age 20, Korea)
៣.James (Age 18, Hong Kong)
៤.Jihoon (Age 16, Korea)
៥.JJ (Age 17, Japan/U.S)
៦.Jo Woo Chan (Age 18, Korea)
ប្រភព៖ Allkpop