ក្លិបបាល់ទាត់ Pahang FA របស់ម៉ាឡេស៊ី ដែលកីឡាករ ចាន់ វឌ្ឍនាកា ធ្លាប់ប្រកបអាជីពក្នុងរដូវកាល ២០១៨ បានប្រកាសអំពីការចុះហត្ថលេខាយកខ្សែប្រយុទ្ធកូនកាត់ឡាវ-បារាំង Billy Ketkeophomphone ដើម្បីបំពេញកូតា កីឡាករអាស៊ាន ក្នុងបញ្ជីកីឡាករប្រទេសរបស់ខ្លួន ក្នុងការត្រៀមរដូវកាលឆ្នាំ២០២២ ខាងមុខ។
ខ្សែប្រយុទ្ធ Billy Ketkeophomphone មានអាយុ ៣១ឆ្នាំកើតនៅ Champigny-sur-Marne ប្រទេសបារាំង ដែលមានឪពុកម្តាយជាជនជាតិឡាវ ធ្លាប់លេងឲ្យក្លិប Angers SCO នៅលីគកំពូលបារាំង,ក្លិប Dunkerque លីគទី២របស់បារាំង និងក្លិបជាច្រើនដូចជា៖ Strasbourg, Sion, Tours, Auxerre និង Cholet។
សូមបញ្ជាក់ថាពានរង្វាន់លីគកំពូលម៉ាឡេស៊ី គ្រោងចាប់ផ្ដើមពីថ្ងៃទី៤ ខែមីនា ដល់ថ្ងៃទី១៧ ខែកញ្ញា ឆ្នាំ២០២២ ខណៈលីគទី២ ចាប់ផ្ដើមពីថ្ងៃទី៥ មីនា ដល់៣ កញ្ញា ឆ្នាំ២០២២ ក្រុមជើងឯកលីគកំពូលម៉ាឡេស៊ី មានឈ្មោះឡើងទៅលេងពាន AFC Champion League ហើយក្រុមជើងឯករងចូលរួមលេងពាន AFC Cup 2023 ខាងមុខ៕
