ភ្នំពេញ ៖ ផ្ទះលក់សំបកកង់រថយន្ត នាគ មាស មួយកន្លែងទទួលរងអគ្គិភ័យឆាបឆេះ អស់ទាំងស្រុង និងរាលដល់ផ្ទះសងខាង២ល្វែងទៀត រងខូចខាត សង្ស័យទុស្សេចរន្តអគ្គិសនី បង្កឲ្យភ្ញាកើផ្អើល សមត្ថកិច្ច រថយន្តពន្លត់អគ្គិភ័យ ចេញទៅជួយអន្តរាគមន៍ កាលពីវេលាម៉ោង៨និង៤៥នាទីយប់ ថ្ងៃទី២៩ ខែមករា ឆ្នាំ២០២២ នៅតាមផ្លូវណតប្រីដ ភូមិទ្រុងមាន់ ក្រុម១ សង្កាត់អូរបែកក្អម ខណ្ឌសែនសុខ រាជធានីភ្នំពេញ ។
តាមសមត្ថកិច្ចបានឲ្យដឹងថា ម្ចាស់ផ្ទះរងគ្រោះឈ្មោះ តែ តេកហ៊ាង ភេទប្រុស អាយុ៤២ឆ្នាំ មុខរបរ លក់គ្រឿងសំណង់ និងសំបកកង់រថយន្ត ។ ផ្ទះទទួលរងភ្លើងឆេះ ទំហំ៤ម៉ែត្រx១៨ម៉ែត្រ សម្ភារៈខូចខាត អស់ទាំងស្រុង និងឆេះរាលដល់ផ្ទះសងខាង២ល្វែងទៀត តែមិនមានបង្កឲ្យពលរដ្ឋរងរបួសឡើយ ។
តាមប្រភពនៅកន្លែងបានឲ្យដឹងថា គ្រោះអគ្គិភ័យខាងលើ សង្ស័យផ្តើមចេញពីទុស្សេចរន្តអគ្គិសនី ភ្លើងផ្តើមឆេះចេញពីផ្ទះលក់សំបកកង់រថយន្ត ។
ក្នុងប្រតិបត្តិការខាងលើ បើយោងតាមរាយបាយការណ៍សមត្ថកិច្ច ឃើញថា
- រថយន្តពន្លត់អគ្គិភ័យរបស់ការិយាល័យអគ្គិភ័យ ចំនួន២១ គ្រឿង ប្រេីប្រាស់ទឹកអស់ ៦៣ រថយន្ត ស្មើរនឹង ២៥២ម៉ែត្រគូប ។
- រថយន្តក្រសួងមហាផ្ទៃ ចំនួន ០៣ គ្រឿង ប្រើប្រាស់ទឹកអស់ ០៣ រថយន្ត ស្មេីរនឹង ៣៦ម៉ែត្រគូប ។
- រថយន្តក្រុមហ៊ុន OCIC ជ្រោយចង្វារ ចំនួន ០៩ គ្រឿង ប្រើប្រាស់ទឹកអស់ ២៧ រថយន្ត សើ្មនឹង ១០៨ម៉ែត្រគូប
- រថយន្តក្រុមហ៊ុន ស្រាបៀរកម្ពុជា ចំនួន ០១គ្រឿង ប្រេីប្រាស់អស់ទឹក ០៣ រថយន្ត ស្មេីរនឹង ២៤ម៉ែត្រគូប ។
- រថយន្តផ្សារទំនេីប អូឡាំព្យា ចំនួន ០២ គ្រឿង ប្រេីប្រាស់ទឹកអស់ ០៦ រថយន្ត ស្មេីរនឹង ៣០ម៉ែត្រគូប ។
បាញ់ទឹកពន្លត់ភ្លើង រហូតដល់វេលាម៉ោង១១និង៥០នាទីយប់ថ្ងៃដដែល ទើបភ្លើងរលត់ទៅវិញ ។ តែទោះជាយ៉ាងណាក្តី មូលហេតុ យ៉ាងណានោះ សមត្ថកិច្ចបន្តការស្រាវជ្រាវ ៕