ក្រុមបាល់ទាត់ជម្រើសជាតិនារីហ្វីលីពីន បានកក់កៅអីឡើងទៅលេងពានរង្វាន់ 2023 FIFA Women’s World Cup ជាលើកដំបូងក្នុងប្រវត្តិសាស្រ្តរបស់ខ្លួន និងតំណាងឱ្យអាស៊ាន ក្រោយយកឈ្នះតៃវ៉ាន់ ដោយបាល់កាត់សេចក្តី១១ម៉ែត្រ ៣-៤ បន្ទាប់ពីស្មើគ្នា ១-១ នៅម៉ោងធម្មតា៩០នាទី និងម៉ោងបន្ថែម១៥នាទី២ដង ក្នុងវគ្គ៨ក្រុមចុងក្រោយ នាយប់ថ្ងៃទី៣០ ខែមករា ឆ្នាំ២០២២ ថ្មីៗនេះ។
សម្រាប់លទ្ធផលវគ្គ៨ក្រុមចុងក្រោយមាន៖
ចិន ៣-១ វៀតណាម
ជប៉ុន ៧-០ ថៃ
អូស្រ្តាលី ០-១ កូរ៉េខាងត្បូង
តៃវ៉ាន់ ១-១ (៣-៤) ហ្វីលីពីន
កម្មវិធីវគ្គពាក់កណ្ដាលផ្ដាច់ព្រ័ត្រ នៅថ្ងៃទី៣ ខែកុម្ភៈ ឆ្នាំ២០២២៖
ចិន Vs ជប៉ុន
កូរ៉េខាងត្បូង Vs ហ្វីលីពីន
គិតត្រឹមពេលពានរង្វាន់ 2023 FIFA Women’s World Cup រកឃើញក្រុមកក់កៅអីបានមុនគេហើយរួមមាន អូស្ត្រាលី និង នូវែលហ្សេឡង់ ជាម្ចាស់ផ្ទះ ខណៈ៤ក្រុមទៀតគឺជាក្រុមដែលមានឈ្មោះឡើងទៅលេងវគ្គពាក់កណ្ដាលផ្ដាច់ព្រ័ត្រពានរង្វាន់ 2022 AFC Women’s Asian Cup ដែលកំពុងរៀបចំនៅប្រទេសឥណ្ឌា ដោយក្នុងនោះមានក្រុមជប៉ុន, កូរ៉េខាងត្បូង,ចិន និងហ្វីលីពីន។
ពានរង្វាន់ 2023 FIFA Women’s World Cup កំណត់យកក្រុម៣២ មកពី៦ទ្វីបនឹងប្រកួតចន្លោះថ្ងៃទី២០ ខែកក្កដា ដល់២០ ខែសីហា ឆ្នាំ២០២៣ នៅកីឡដ្ឋាន១០ ក្នុងចំណោម៩ទីក្រុង៕