សហព័ន្ធកីឡាបាល់ទាត់កម្ពុជា បានបង្ហាញបញ្ជីឈ្មោះកីឡាករ២៨នាក់ចុងក្រោយមុន ទទួលធ្វើជាម្ចាស់ផ្ទះក្នុងព្រឹត្តិការណ៍កីឡាបាល់ទាត់ប្រចាំតំបន់អាស៊ាន AFF U23 Championship 2022 នៅរាជធានីភ្នំពេញពីថ្ងៃទី១៤ ដល់២៦ ខែកុម្ភៈ ឆ្នាំ២០២២។
កម្ពុជា ស្ថិតនៅពូល A ជាមួយក្រុមទីម័រខាងកើត, ហ្វីលីពីន និងប្រ៊ុយណេ ដោយប្រកួតនៅទីលានពហុកីឡដ្ឋានជាតិមរតតេជោ ខណៈពូល B មានម៉ាឡេស៊ី មីយ៉ាន់ម៉ា ឡាវ និងឥណ្ឌូណេស៊ី (ដកខ្លួន) ហើយពូល C មានថៃ វៀតណាម និងសិង្ហបុរី ដោយពូលទាំង២នេះប្រកួតនៅទីលានពហុកីឡដ្ឋានព្រីនស៍ របស់ក្លិបវិសាខា។
