ថ្មីៗនេះអ្នកលេងបណ្ដាញសង្គមអនឡាញបានបន្តចេញមកទម្លាយភស្ដុតាងស្ដែងៗរវាង Weir Sukollawat និងនារីសក់ខ្លី ជារូបភាពមួយប៉ុស្ដិ៍ហើយមួយប៉ុស្ដិ៍ទៀត មុននឹងតារាប្រុសល្បីរូបនេះប្រកាសចែកផ្លូវពីអតីតមិត្តស្រី Bella Ranee ទៀត។
យោងតាមការបង្ហោះពីផេកខ្សឹបខ្សៀវតារាដ៏ល្បីមួយរបស់ថៃបានបង្ហោះថា៖ «ថ្ងៃនេះសុខៗ ស្រាប់តែទឹកភ្នែកស្រក់ប្ដីទៅភូកេតជាមួយនរណា? ស្រីសក់ខ្លីម្នាក់នោះជានរណា? អ…ម្នាក់ដែលប្ដីប្រាប់ថាកំពុងសិក្សាគ្នានឹងឯង ប្ដី Move on មិនខុសទេ ខុសដែលខ្ញុំធ្វើចិត្តមិនបាន ហ៊ឺ…ម្នាក់នេះគឺមនុស្សតែម្នាក់ដែលប្ដីនាំទៅដី មើលទីតាំង កាលទើបបែកគ្នាពីតារាស្រីល្បីឈ្មោះ ស្អាត ខ្ញុំព្រមឱ្យក៏បាន #និយាយរវើរវាយព្រោះពិសP’fizer»
ចំពោះករណីខាងលើនេះ Weir បានចេញមកបកស្រាយថា ឃើញបែបណាគឺបែបនោះហើយ «ការពិត រាងភ្ញាក់ដែរ ព្រោះគិតថាអ្នកផងនឹងផ្ដល់ឯកជនភាពដល់ខ្លួន ចង់ថត ថតបាន តែមិនចង់ឱ្យលួចថត បើលួចថតរូបភាពចេញទៅមិនស្អាត មិនសង្ហា ព្រោះអីគ្មាន Make up មិនបានធ្វើសក់ ខ្ញុំយល់ថាមនុស្សបច្ចុប្បន្នមានការគិតផ្សេងៗគ្នា គេអាចនឹងចូលចិត្តខ្ញុំ ផុសជាលក្ខណៈឯកជន តែបែរជាត្រូវអ្នកផ្សេងយករូបភាពទៅប្រើប្រាស់ តែខ្ញុំក៏មិនគិតថាខុសនោះទេ មិនថាអីឱ្យម្ចាស់រូបភាពទាំងនោះទេ ខ្ញុំថាការពិតបើមិនមែនជាមនុស្សសាធារណៈទេ ក៏មិនគួរដែរ ខ្ញុំជាតារាខ្ញុំយល់វាគឺជារឿងធម្មតា តែគេជាមិនមែនទេ គួរតែទុកលទ្ធភាពឯកជនភាពឱ្យដល់គេល្អជាង ព្រោះអាចពាក់ព័ន្ធនឹងច្បាប់ ត្រង់ចំណុចនេះ គួរគិតបន្តិចដែរ»
ក្រោយៗមកទៀត អ្នកលេងអ៊ិនធឺណិតបានចេញមកបង្ហាញភស្ដុតាងច្បាស់ៗស្ដែងៗរវាងកំលោះ Weir និង នារីសក់ខ្លី ដោយបានចេញមកផុសថា៖ «មនុស្សតែម្នាក់? រូបភាពនេះកាលពីខែតុលាឆ្នាំ២០២១។ ចូលខែវិច្ឆិកាមានដំណឹងបែកគ្នា»
ចូលដល់ករណីវិភាគរិះគន់យ៉ាងគគ្រឹកគគ្រេងនេះ មានតែរង់ចាំស្ដាប់ការឆ្លើយតបចេញពីមាត់របស់តារាសម្ដែង Weir Sokullawat នោះទេ៕