ក្រុមជម្រើសជាតិយុវជនក្រោមអាយុ២៣ឆ្នាំរបស់ម៉ាឡេស៊ី ត្រូវជួបក្រុមមីយ៉ាន់ម៉ា នៅវេលាម៉ោង៤ល្ងាចថ្ងៃទី១៥ ខែកុម្ភៈឆ្នាំ២០២២ លើទីលានពហុកីឡដ្ឋានព្រីនស៍ ក្នុងវគ្គជម្រុះពូល B នៃពានរង្វាន់បាល់ទាត់ AFF U23 Championship 2022 ខណៈនេះជាការប្រកួតអន្តរជាតិផ្លូវការលើកដំបូងលើទឹកដីរបស់ក្រុមបាល់ទាត់វិសាខា។
សម្រាប់ពូល B នេះ ដំបូងឡើយមាន៤ក្រុម ប៉ុន្ដែក្រោមម្ចាស់ជើងឯកឆ្នាំចាស់ឥណ្ឌូណេស៊ី ប្រកាសដកខ្លួន ទើបធ្វើឱ្យសល់តែ៣ក្រុមប៉ុណ្ណោះ មានម៉ាឡេស៊ី មីយ៉ាន់ម៉ា និងឡាវ។ ពូលនេះប្រកួតនៅពហុកីឡដ្ឋានព្រីនស៍ ទាំងអស់។
តើក្រុមណាខ្លះអាចបង្កើតបានកំណត់ត្រានានា លើទីលានពហុកីឡដ្ឋានព្រីនស៍?