លោកស្រី ម៉ន ដានី មានសំណាងទទួលកាដូក្ដីស្រលាញ់ពីស្វាមីម្ដងសុទ្ធតែឡាន៣គ្រឿង តើមានស្ត្រីណាមិនលួចច្រណែនសំណាងនេះ?
ថ្វីត្បិតតែទិវានៃក្ដីស្រលាញ់ឬ Valentine’s Day មិនមែនជាបុណ្យប្រពៃណីជាតិ ប៉ុន្តែទិវានេះបានក្លាយជាឱកាសមួយដែលគូស្នេហ៍បានបង្ហាញសេចក្ដីស្រលាញ់ចំពោះមនុស្សជាទីស្រលាញ់ កូនបង្ហាញក្ដីគោរពស្រលាញ់ចំពោះអ្នកមានគុណ បងប្អូនបង្ហាញក្ដីស្រលាញ់ចំពោះគ្នា មិត្តភក្ដិចែករំលែកក្ដីស្រលាញ់ឱ្យគ្នា ដោយមានផ្កាជានិមិត្តរូបនៃសេចក្ដីស្រលាញ់ ដោយក្រោយៗមកក៏មានជាកាដូផ្សេងៗទៀត ដូចជាគ្រឿងសំអាង គ្រឿងអលង្ការ បូកផ្សំនឹងផ្កាផងដែរ។
មិនខុសពីស្ត្រីដទៃដែលទទួលបាននូវកាដូភ្ញាក់ផ្អើលពីមនុស្សជាទីស្រលាញ់លោកស្រី ម៉ន ដានី ដែលជា CEO ក្រុមហ៊ុន KP Developer Land and House បានបង្ហោះចែករំលែករឿងរ៉ាវជីវិតគូដែលអានហើយបានទាំងសំណើចនិងស្ញើចស្ញប់ស្ញែងចំពោះសេចក្ដីស្នេហារបស់អ្នកទាំងពីរ ដោយអ្នកស្រីបានរៀបរាប់បែបកំប្លែង ជូនពរស្វាមីដែលលោកស្រីហៅថាគូជម្លោះមួយជីវិតឱ្យមានសុខភាពល្អ ហើយថែមទាំងតវ៉ាស្វាមីទៀតថាមិនចេះស្វីត ទិញផ្កាជូនទេ តែបើឡានវិញទិញឱ្យម្ដង៣គ្រឿងតែម្ដង។
នេះគឺជាអត្ថន័យសំណេរទាំងស្រុងដកស្រង់ចេញពី Status របស់លោកស្រីបានបង្ហោះចែករំលេកនៅលើបណ្ដាងញសង្គមផ្ទាល់ខ្លួន។
«Happy Valentine’s Day 2022ជូនពរ គូរជម្លោះ១ជីវិត រឺ មហាប្តី អោយមានសុខភាពល្អ បំពង់ករ នឹងសំលេងល្អ ដដែល ពេលសង្គ្រាម ដណ្តើម នគរ ជាមួយខ្ញុំផ្ទុះម្តងៗមិនខ្ចីស្វីត មិនខ្ចីសួរនាំ មិនយកភ្នែកមើល អ្នកណា ទិញផ្កា រឺទិញដល់ មីសីល អោយទៀតក៏មិនខ្ចីមើល រឺត្រាប់តាម (បិតាមនុស្ស) ផ្កាគ្មានដែលអោយសូម្បី១ទង បើឡានវិញទិញអោយម្តង៣ ជឿហើយ មហាប្តី »
សំណេររបស់អ្នកស្រីទាក់ទាញបានការចាប់អារម្មណ៍ពីសំណាក់អ្នកគាំទ្រជាច្រើនដោយភាគីច្រើនសុទ្ធតែចូលមកអបអរសាទរនិងសរសើរសំណាងរបស់លោកស្រី ម៉ន ដានី ដែលរកបានឧត្តមស្វាមីមួយរូបដែលស្រលាញ់និងផ្ដល់ជូនលោកស្រីនូវសុខសុភមង្គលដែលស្ត្រីៗប្រាថ្នាចង់បាន៕