មកដល់ដំណាក់កាលចៅក្រមស៊ើបសួរ ទោះចៅក្រមស៊ើបសួរសម្រេចឃុំខ្លួនបណ្ដោះអាសន្ន ឬមិនឃុំខ្លួនបណ្ដោះអាសន្នក្ដី ឬក៏ដោះលែងឱ្យនៅក្រៅឃុំបណ្ដោះអាសន្ន ដោយដាក់ឱ្យស្ថិតក្រោមការត្រួតពិនិត្យតាមផ្លូវតុលាការក្ដី គេហៅនាងជា«ជនត្រូវចោទ» ដោយយោងតាមដំណាក់កាលនីតិវិធី។
ជនត្រូវចោទ ជាជនឬបុគ្គលទាំងឡាយណា ដែលត្រូវស្ថាប័នអយ្យការ (ព្រះរាជអាជ្ញា ឬព្រះរាជអាជ្ញារង) សម្រេចចោទប្រកាន់ជាផ្លូវការថា បានប្រព្រឹត្តិបទល្មើសអ្វីមួយ រួចបញ្ជូនទៅកាន់ចៅក្រមស៊ើបសួរចាត់នីតិវិធីបន្ត ពោលគឺ ចៅក្រមស៊ើបសួរ បើកការស៊ើបអង្កេតរកភស្តុតាងដើម្បីដាក់បន្ទុកលើជនត្រូវចោទ និងរកភស្តុតាងដើម្បីដោះបន្ទុកឱ្យជនត្រូវចោទផងដែរ។
ទោះយ៉ាងណា មាន ពេជ្ររីតា (យូប៊ី) ដែលជា «ជនត្រូវចោទ» ស្ថិតនៅជាជនគ្មានទោសនៅឡើយ ដរាបណាតុលាការ (ចៅក្រមជម្រះ) មិនទាន់បើកសវនាការជំនុំជម្រះក្ដី និងចេញសាលក្រមស្ថាពរនៅឡើយនោះ៕
