តារាសម្ដែងឆ្នើម Mark Prin បានធ្លោយប្រាប់អ្នកសារព័ត៌មានថា Nadech និង Yaya អាចនឹងរៀបមង្គលការមុនគូរបស់ខ្លួន។ នេះបើតាមការលើកឡើងពីសាមីខ្លួន ប្រាប់ដល់អ្នកសារព័ត៌មានក្នុងពិធីក្រុងពាលីថតរឿងថ្មីមានចំណងជើងថា «ក្រោមស្រមោលព្រះចន្ទ»។
Mark បានបង្ហើបឱ្យដឹងពាក់ព័ន្ធទៅនឹងរឿងដែលអ្នកគាំទ្រជាច្រើនរងចាំតាមដានថាថ្ងៃ១៤កុម្ភៈ អ្នកកំលោះសង្ហាអាចនឹងសារភាពសុំរៀបការនឹងគូស្នេហ៍ Kimberly ឬក៏យ៉ាងណា ដោយ Mark បញ្ជាក់ថាចំពោះគូខ្លួនអ្នកគាំទ្រអាចរងចាំតាមដានជាបន្តទៀត ប៉ុន្តែចំពោះគូមិត្តភក្ដិសម្លាញ់ Nadech – Yaya ដល់ចំណុចមួយដែលអាចនិយាយបានថាមានលក្ខណៈសម្បត្តិគ្រប់គ្រាន់សម្រាប់ការរៀបការច្រើនជាងខ្លួន។
កំលោះ Mark បានឆ្លើយតបសំនួរអ្នកកាសែតដែលបានមកចូលរួមក្នុងកម្មវិធី ពាក់ព័ន្ធនឹងចំណងស្នេហ៍ដ៏ផ្អែមល្ហែមរវាងខ្លួននិងមិត្តស្រី Kimberly ដោយក្នុងនោះអ្នកសារព័ត៌មានបានសង្កត់ធ្ងន់លើសំនួរពាក់ព័ន្ធនឹងស្នេហាទុំជោររបស់អ្នកទាំងពីរថាតើពេលណាទើបខាងប្រុសសារភាពសុំរៀបការនឹងខាងស្រី? ព្រោះអ្នកគាំទ្រខំតាមតាំងពីថ្ងៃកំណើតរហូតដល់ទិវានៃក្ដីស្រលាញ់នៅតែមិនទាន់ឃើញ។
ឆ្លើយតបនឹងសំនួរនេះ Mark បានពន្យល់ថា «សូមឱ្យអ្នកគាំទ្រតាមដានជាបន្តទៀត តាមដានជារឿយៗ ព្រោះលោកខ្លួនឯងក៏កំពុងតាមដានខ្លួនឯងដូចគ្នាដែរ ព្រោះការពិតទៅលោកក៏កំពុងរកមើលពេលវេលាស័ក្ដិសមណាមួយដូចគ្នាដែរ។»
ចំពោះសំនួរដែលអ្នកកាសែតបានលើកឡើងថា Nadech បង្ហើបថាគូរបស់ Mark-Kim នឹងរៀបការនោះ កំលោះ Mark ឆ្លើយតបថា «គេប្រាប់មែនទេ? ចាំមើលគូនឹងសិនទៅ ដោយ Mark គ្រាន់តែនិយាយបន្តទៀតថាកុំឱ្យតែដល់ពេលវេលាជាន់គ្នាទៀតទៅបានហើយ។
”