ក្រុមគោព្រៃជំទង់កម្ពុជា ទទួលបានកៅអីឡើងទៅចាំនៅវគ្គពាក់កណ្ដាលផ្ដាច់ព្រ័ត្រមុនគេក្នុងពូល A នៃពានរង្វាន់បាល់ទាត់យុវជនប្រចាំតំបន់អាស៊ាន AFF U23 Championship 2022 ក្រោយបន្តយកឈ្នះលើក្រុមហ្វីលីពីន ដោយលទ្ធផល១ទល់០ នៅល្ងាចថ្ងៃព្រហស្បត្តិ៍ ទី១៧ ខែកុម្ភៈ ឆ្នាំ២០២២ លើទីលានពហុកីឡដ្ឋានជាតិមរតតេជោ ក្នុងរាជធានីភ្នំពេញ។
កីឡាករ ស៊ិន សុវណ្ណមករា ជាម្ចាស់គ្រាប់បាល់ជ័យជម្នះសម្រាប់ក្រុមម្ចាស់ផ្ទះគោព្រៃកម្ពុជា នៅនាទីទី៨១ ខណៈប្រកួតនេះចាប់ផ្ដើមពីម៉ោង៧យប់តទៅ ហើយកាត់សេចក្ដីដោយលោកអាជ្ញាកណ្ដាលជនជាតិថៃ Warintorn Sassadee។
លទ្ធផលប្រកួតទី២សរុបប្រចាំពូល A មាន៖
-ប្រ៊ុយណេ ១-៣ ទីម័រខាងកើត
-កម្ពុជា ១-០ ហ្វីលីពីន
តារាងចំណាត់ថ្នាក់បណ្តោះអាសន្នពូល A៖
១) កម្ពុជា មាន៦ ពិន្ទុ
២) ទីម័រខាងកើត មាន៣ពិន្ទុ
៣) ហ្វីលីពីន មាន១ពិន្ទុ
៤) ប្រ៊ុយណេ មាន ០ពិន្ទុ
សម្រាប់កម្មវិធីប្រកួតពូល B នៅថ្ងៃស្អែក ទី១៨ ខែកុម្ភៈ ឆ្នាំ២០២២៖
– ម៉ោង៤ល្ងាច ឡាវ ប៉ះ ម៉ាឡេស៊ី នៅកីឡដ្ឋានព្រីនស៍
